ច្បាប់គ្រូអាចារ្យសង្គ្រោះសិស្ស ៥យ៉ាង

(បទព្រហ្មគីតិ)

ទី១     ទូន្មានប្រដៅ                      សិស្សដែលខ្លៅឲ្យចេះធម៌

          ចេះច្បាប់រៀបរយល្អ           ការណាក្រឲ្យវាងវៃ ។

ទី២     ឲ្យសិស្សសិក្សា                 ដោយវាចាល្អប្រពៃ

          បង្ហាត់ឲ្យឈ្លាសវៃ              ឲ្យយល់ន័យសព្វវិជ្ជា ។

ទី៣     ឲ្យសិស្សសិក្សា                 សិល្បសាស្ត្រាផងនានា

          ឲ្យចេះគ្រប់វិជ្ជា                   កុំរាំងរាឬលាក់ទុក ។

ទី៤     បើអាមាត្យមិត្រ                 មានមកជិតត្រូវលើកមុខ

          ថ្លែងគុណសិស្សសូមសុខ   ឲ្យគេជឿទុកចិត្តបាន ។

ទី៥     ប្រាប់អត្ថវិជ្ជា                      ធ្វើការពារសព្វភូមិស្ថាន

          គេសួរសិស្សឆ្លើយបាន       មិនរំខានចិត្តសិស្សឡើយ ៕

ដ.ដ.ទំ.៣៩៩