ច្បាប់សិស្សប្រតិបត្តិគ្រូអាចារ្យ ៥ យ៉ាង

(បទព្រហ្មគីតិ)

ទី១     ទទួលដំណើរ                    ឬជូនដើរត្រឡប់ទៅ

          ទីឋានដែលលោកទៅ          នេះជាផ្លូវត្រូវគួរសម ។

ទី២     ចូលទៅបម្រើ                    តាមកាលធ្វើឲ្យឧត្តម

          ហៅថាបម្រើធំ                   លោកនិយមយកពេលបី ។

ទី៣     ជឿស្ដាប់ពាក្យគ្រូ                កុំមូទូកើតអម្រិយ

          ឱវាទជាសំដី                      ត្រូវគប្បីកាន់ហ្មត់ចត់ ។

ទី៤     បំរើប្រក្រតី                       ធ្វើការអ្វីឥតកំណត់

          ពេលណាមិនប្រាកដ           នេះជាបទបំរើតូច ។

ទី៥     លោកប្រាប់សិល្បសាស្ត្រ    ស្តាប់ឲ្យច្បាស់ធ្វើឲ្យដូច

          រក្សាកុំឲ្យខូច                      ទាំងធំតូចត្រូវគោរព ៕

ដ.ដ.ទំ. ៣៩៩