អង្គ ៣ របស់សំពៅ

១- ផ្ទុកជនជាច្រើនឲ្យបានឆ្លងទៅដល់ត្រើយ ។

២- តទល់ទ្រាំទ្រនឹងកម្លាំងទឹករលកបោកបក់នឹងខ្សែទឹកហូរ ឬខ្សែទឹកវិលវល់បាន ។

៣- បើចេញទៅក្នុងមហាសមុទ្រដ៏ធំធេង មានជំរៅពន្លឹកដ៏ដេរដាសដោយហ្វូងមច្ឆាតូចធំជាច្រើន ។

          ប្រៀបដូចអ្នកប្រតិបត្តិប្រកបដោយអង្គសម្បត្តិ ៣ ប្រការ គឺ៖

១- ចម្លងជញ្ជូនសត្វក្នុងមនុស្សលោក ព្រមទាំងទេវលោកឲ្យបានឆ្លងដល់ត្រើយ ដោយអំណាចសេចក្ដីព្រមព្រៀងនៃគុណធម៌ ទុកដូចជានាវាគឺ សីលគុណ និងវត្តប្រតិបត្តិជាដើម ។

២- អត់ទ្រាំតទល់នឹងកម្លាំងកិលេស គឺលោកធម៌ទាំង ៨ ប្រការ ដែលមានឧបមាដូចជារលកទឹក ។

៣- ខ្វល់ខ្វាយកសាងបារមី ដែលជាសេចក្ដីប្រតិបត្តិបង្អោនទៅរកសញ្ញាទាំង ១០ ប្រការ ធ្វើចិត្តឲ្យត្រាច់ទៅក្នុងអរិយសច្ច ៤ មានបរិវដ្ដ ៣ មានអាការៈ ១២ ៕