ត្រីហែលបណ្តោយទឹកជាត្រីងាប់

“ជីវិត គឺប្រៀបដូចជាការអុំទូកបញ្ច្រាសទឹកហូរ បើមិនប្រឹងប្រែងអុំទេ ដំណើរទៅមុខ ឬថយក្រោយ គឺខ្សែទឹកហូរនឹងកំណត់សម្រេចព្រេងវាសនារបស់យើង”។

១. ត្រីហែលបណ្តោយទឹកជាត្រីងាប់ ហើយមនុស្សណាដែលសុខចិត្តបណ្តោយតាមព្រេងវាសនា គឺជាមនុស្សស្លាប់។ លើលោកយើងនេះពិតជាមានយុត្តិធម៌ ប៉ុន្តែគ្មានស្តង់ដារយុត្តិធម៌ទេ។

២. បើជីវិតរស់នៅប្រឹងប្រែងច្រើន តែបានផលតិច ឬប្រឹងប្រែងតិច តែបានផលច្រើន ឬមិនប្រឹងប្រែង តែបានផលច្រើន នោះតើយើងត្រូវទៅស្វែងរកយុត្តិធម៌នៅទីណា។ យុត្តិធម៌ គឺប្រឹងប្រែងទាមទារ។

៣. បើទោះបីជាទាមទារមិនបាន តែវាប្រសើរជាងនៅស្ងៀម ឬបើបានទាមទារខ្លះ ក៏គង់បានផលសម្រេចខ្លះ គឺសម្រេចពីមិនបានសោះ មកបានធម្មតា, ឬពីបានធម្មតា មកបានល្អ, ឬពីល្អមកល្អប្រសើរ នេះគឺជាសច្ចភាពនៃការប្រឹងប្រែងតស៊ូទាមទារ។ មនុស្សចេះប្រឹង បើទៅដល់ទីណា ក៏មិនស្លាប់ដែរ តែបើស្លាប់ដោយសារតែឥតប្រឹង។ គ្មាននរណាម្នាក់ដែលត្រូវស្លាប់ដោយសារតែការប្រឹងប្រែងនោះទេ៕ 

ប្រភព៖ បណ្ណាល័យគំនិត