អ្វីៗគ្រប់យ៉ាងសុទ្ធតែអាចប្រួលប្រែ

មនុស្សដែលអ្នកស្រលាញ់ថ្ងៃនេះ​ គាត់នៅតែស្រលាញ់អ្នក ថ្ងៃស្អែកក៏គាត់នៅតែស្រលាញ់អ្នក ថ្ងៃស្អែកជាថ្មីមួយទៀតក៏គាត់នៅតែស្រលាញ់ ហើយគាត់ក៏អាចចាកចេញទៅ ដោយបន្សល់ត្រឹមតែស្នាមអនុស្សាមួយដ៏ល្អតែ​ប៉ុណ្ណោះ​ ។

ទីកន្លែងមួយ ដែលអ្នកធ្លាប់មកជាមួយ​មនុស្សដែលអ្នកស្រលាញ់ ថ្ងៃណាមួយវាក៏អាចនឹងលែងមានវត្តមានរបស់មនុស្សម្នាក់​នោះក៏ថាបាន​ ។

ពេលវេលានិងស្នេហាដ៏ផ្អែមល្ហែមរបស់អ្នក អាចនិងបាត់បង់ទៅនៅថ្ងៃណាមួយមិនខាន​ ។

កែវភ្នែកដែលធ្លាប់តែស្រលះល្អរបស់អ្នក អាចនិងត្រូវស្រវាំងដោយដំណក់ទឹកភ្នែកនៅថ្ងៃណាមួយមិនខាន​ ។

ក្ដីសុខដែលធ្លាប់មាន អាចនិងបាត់បង់ទៅ ហើយជំនួសមកវិញដោយសេចក្ដីទុក្ខក៏ថាបាន​ ។

គ្រប់​យ៉ាង​សុទ្ធតែអាចប្រួលប្រែបានទាំងអស់ គ្មានអ្វីមានភាពឋិតថេរ​នោះ​ទេ ហើយយើងខ្លួនឯងផ្ទាល់ ត្រូវតែរៀនទទួលយករឿងទាំងអស់​នោះ​ផង​ណា៎​ ...​