បើហ៊ានឆ្ងល់ ហ៊ានសួរ ជាប្រភពថាមពលជីវិតនៃមនុស្សឆ្លាត

លោក រ៉ូបឺត គីយូសាគី បាននិយាយថា " «មនុស្សដែលជោគជ័យបំផុតគឺមនុស្សដែលពូកែឆ្ងល់ ។ ពួកគេទាំងនោះតែងតែរៀនសូត្រ តែងតែរីកចម្រើន និងតែងតែខ្លាំងក្លាទៅមុខ » ជានិច្ច ។ សុភាសិតមួយទៀតបានអះអាងថា " អ្នកហ៊ានសួរ គេនឹងលែងល្ងង់ អ្នកមិនហ៊ានសួរ គេនឹងល្ងង់រហូត " ។ ត្រង់ន័យនេះគឺបង្ហាញថា ការដោះស្រាយចម្ងល់ គឺជាការបង្កើតថាមពលបញ្ញាញាណ ។ រៀនពីជីវិតឲ្យបានច្រើន នោះយើងនឹងខ្លាំង ។ បិតាទស្សនវិទូ សូក្រាត បានអះអាងថា " ចម្ងល់ គឺជាប្រភពនៃការបង្កើតបញ្ញាញាណ " ។ ហ៊ានឆ្ងល់ ហ៊ានសួរ គឺជាប្រភពថាមពលជីវិតរបស់មនុស្សឆ្លាត ៕