មិនចាំបាច់ល្អឥតខ្ចោះទេ
សុំតែអាចរីករាយនឹងជីវិតខ្លួនឯងទៅបានហើយ ។ យើងពុំគួរខ្ចះខ្ជាយពេលវេលាពេកទេ
ជាពិសេសការចំណាយទៅលើការគិតរបស់អ្នកដទៃចំពោះយើង ។
ប្រសិនបើយើងរវល់តែដើរតាមការរិះគន់ពីអ្នកដទៃ ខ្លាចបែបនេះខ្លាចបែបនោះ នោះមិនខុសពីរត់តាមបបូរមាត់អ្នកដទៃឡើយ
ចុងក្រោយអ្នកដែលហត់ស្ទើរដាច់ខ្យល់ គឺយើងខ្លួនឯង ។
យើងអាចមិនល្អគ្រប់ដប់
តែក៏គ្មានអ្នកណាល្អលើសគេក្នុងលោកដែរ ។ រស់ជាមនុស្សលើសមួយថ្ងៃមិនចម្លែក
ខ្វះមួយថ្ងៃក៏មិនឆាប់ ព្រោះមុននឹងក្រោយគង់តែទុំជ្រុសដដែល ។ យើងអាចមានពេលមិនច្រើនទេ
ដើម្បីគិតពីវិថីជីវិតខ្លួនឯង យើងអាចមានពេលមិនច្រើនទេ
ដើម្បីចែករំលែកស្នាមញញឹមជាមួយគ្នា
ប៉ុន្ដែពេលខ្លះយើងបានយកពេលទាំងនោះទៅចាយយ៉ាងខ្ចះខ្ជាយ
ហើយចំពោះរឿងដែលខ្ចះខ្ជាយខ្លាំងបំផុតនោះ
គឺចំណាយទៅលើរឿងឥតតម្លៃជាមួយមនុស្សមិនសមតម្លៃ រហូតធ្វើឱ្យខ្លួនឯងរលត់តម្លៃ ។
យើងម្នាក់ៗកើតមកលើផែនដីនេះ
គឺបានស្ពាយកំហុសជាប់ខ្លួនមិនតិចទេ ហើយប្រសិនបើបណ្ដែតបណ្ដោយខ្លួនទៀត
នោះយើងនឹងបង្កើតកំហុសកាន់តែច្រើន ។ ជីវិតដែលមានតម្លៃ
គឺជាការរស់នៅជាមួយបេះដូងសន្ដិភាព ប៉ុន្ដែមនុស្សដែលសមតម្លៃនឹងផ្ដល់សន្ដិភាពជាមួយ
គឺមនុស្សមានតម្លៃ ។ រស់ថ្ងៃនេះឱ្យមានតម្លៃ ធ្វើអ្វីដែលយើងចង់ធ្វើ
ចែករំលែកអ្វីដែលអាចចែក ទទួលយកអ្វីដែលគួរទទួល
តែយើងពុំគួរធ្វើរឿងដែលយើងមិនចង់ចួបទៅលើអ្នកដទៃនោះទេ ។ ទស្សវិទូចិន ឡៅជឺ
បានទូន្មានថា "
ប្រសិនបើអ្នកតែងតែខ្វាយខ្វល់ពីការគិតដែលអ្នកដទៃមានមកលើអ្នក
នោះអ្នកនឹងតែងតែជាទាសកររបស់ពួកគេជារៀងរហូត" ។
Cr. ប្រាជ្ញាជីវិត
No comments:
Post a Comment