ដាំគ្រាប់ពូជនៃសេចក្តីល្អ

“ពេលដែលយើងងងឹត យើងតែងត្រូវការពន្លឺ ហើយពេលអ្នកដទៃងងឹត គេក៏ត្រូវការពន្លឺដូចយើងដែរ”។

យើងគួរតែរៀនធ្វើជាចង្កៀងបំភ្លឺភាពងងឹត ប្រសើរជាងធ្វើជាភាពងងឹត។ ភាពងងឹត មិនអាចលុបបំបាត់ដោយភាពងងឹតបានទេ តែមានតែពន្លឺប៉ុណ្ណោះ ទើបអាច។ សេចក្តីស្អប់គុំកួន មិនអាចលុបបំបាត់ដោយសេចក្តីស្អប់គុំកួនបានទេ តែមានតែសេចក្តីស្រឡាញ់ប៉ុណ្ណោះ ទើបអាច។

គ្មានមនុស្សខឹងណាដែលដឹងថាខ្លួនឯងកំពុងខឹងខ្លាំងទេ លុះត្រាណាតែគេឈប់ខឹង ទើបដឹងថាខ្លួនខឹង។ គ្មានមនុស្សល្ងង់ណា អាចដឹងថាខ្លួនកំពុងតែល្ងង់ទេ លុះត្រាណាតែខ្លួនបានចេះដឹង ទើបដឹងថាខ្លួនល្ងង់។ ការផ្តល់ឱកាសឱ្យអ្នកដែលបានសាងកំហុសនានា គឺជាការបង្កើតគ្រាប់ពូជថ្មីនៃសេចក្តីល្អ៕