ថែរក្សាអ្វីដែលយើងមាន

មានក្ដីស្រឡាញ់ ជីវិតក៏មានសោភ័ណ គ្មានក្ដីស្រឡាញ់ជីវិតក៏សោះកក្រោះ ។ ពេលខ្លះទឹកមួយថ្លុកដែលយើងបានផឹក វាអាចឆ្ងាញ់ជាងទឹកបរិសុទ្ធមួយដបទៅទៀត ។ មានសំណាងបានរួមដំណើរជាមួយមនុស្សច្បាស់លាស់ម្នាក់ វាប្រសើរជាងរួមដំណើរជាមួយមនុស្សមិនច្បាស់លាស់រាប់រយនាក់ ។ ពេលខ្លះបានផឹកទឹកឆ្ងាញ់មួយថ្លុក វាប្រសើរជាងបានផឹកទឹកមួយពាងដែលមិនមានសុវត្ថិភាព ។ មនុស្សម្នាក់ដែលពេញដោយភាពកក់ក្ដៅ ពេញដោយក្ដីស្រឡាញ់ ពេញដោយភក្ដីភាព គឺជាមនុស្សដែលពេញដោយគុណតម្លៃជីវិត ហើយគុណតម្លៃនេះ គឺត្រូវការតម្លៃរបស់យើងទៅប្ដូរ ។ មួយថ្ងៃនៃជីវិត ដ្បិតមានរយៈពេលវែង ប៉ុន្ដែរហូតមកដល់ពេលនេះយើងក៏នៅតែមានអារម្មណ៍ថា ពេលវេលាដើរលឿនណាស់ ។ មែនហើយវាពិតជាលឿនមែន ហើយចំពោះរឿងដែលយើងគួរយកចិត្តទុកដាក់បំផុតនោះ គឺទឹកមួយថ្លុកដែលយើងកំពុងផឹក ។ មនុស្សល្អម្នាក់ដែលកំពុងរួមដំណើរជីវិតជាមួយយើង ។ សុភមង្គលដែលនៅចំពោះមុខ ។ ក្ដីសុខដែលកំពុងមាន ។ មានសំណួរតែមួយគត់ ដែលយើងគួរតែឆ្លើយទៅកាន់និយមន័យជីវិត នោះគឺថាតើយើងនឹងថែរក្សាស្នាមញញឹមខ្លួនឯង ដោយរបៀបណា ? (យើងនឹងផឹកទឹកមួយថ្លុកនោះ នឹងថែរក្សាវាដោយរបៀបណា ? )។ ត្រូវឆ្លើយបែបណានោះ វាក៏អាស្រ័យលើវប្បធម៌នៃការរស់នៅរបស់យើងដែរ ៕

Cr. Sun Veasna