ស្វែងរកស្នាមញញឹម ?

ម្សិលមិញបានកន្លងផុតទៅ ស្អែកក៏មិនទាន់មកដល់ ដូច្នេះជីវិតមានតែថ្ងៃនេះប៉ុណ្ណោះ ។ ធ្វើពេលនេះឱ្យបានល្អតាមលទ្ធភាព ប្រសិនបើយើងចង់បានអតីតកាលល្អដែរ ។ ការប្រឹងប្រែងទៅមុខ ពិតជានឿយខ្លាំង វាតឹងខ្លាំង តែបើយើងបន្ថយការប្រឹងប្រែងក្នុងថ្ងៃនេះ យើងនឹងដួលនៅថ្ងៃក្រោយ ។ ជីវិតពេលខ្លះស្នាមញញឹមដែលទទួលបាននៅថ្ងៃនេះ គឺប្ដូរជាមួយស្នាមរបួសកាលពីម្សិលមិញ ។ នៅពេលយើងដេញចាប់ស្នាមញញឹមដោយមិនប្រឹងប្រែងតស៊ូក្នុងជីវិត យើងនឹងគ្មានពេលញញឹម ។ ត្បិតស្នាមញញឹមរបស់តស៊ូ ត្រូវបានលាក់ទុកក្នុងប្រអប់ប្រឹងប្រែង ដែលពេញដោយបន្លា ។ អ្វីដែលយើងធ្វើក្នុងថ្ងៃនេះ ជាសមិទ្ធិផលថ្ងៃស្អែក ៕

____

Cr. Sun Veasna