ការគិតប្ដូរជីវិតដ៏ចង្អៀតតូចឲ្យក្លាយជាធំធេងបានដោយប្រការទាំងនេះ

ការគិតផ្លាស់ប្តូរគំនិតនេះ មិនមែនជារឿងអាចធ្វើទៅបានងាយឡើយ ។ ការផ្លាស់ប្ដូរគំនិតអវិជ្ជមានគឺជារឿងចាំបាច់ណាស់ ព្រោះយើងដឹងហើយថា គំនិតអវិជ្ជមានទាំងឡាយ មិនដែលនាំហេតុសេចក្ដីសុខចម្រើនមកឲ្យដល់ខ្លួនឡើយ មានតែធ្វើឲ្យខ្លួនធ្លាក់ចូលក្នុងសេចក្ដីអាក្រក់ទៅៗប៉ុណ្ណោះ ។ ដូចនេះ ការផ្លាស់ប្ដូរផ្នត់គំនិតគឺជារឿងសំខាន់ណាស់ បើអ្នកចង់ឃើញពិភពលោកបានធំទូលាយ ជីវិតជួបតែគុណសម្បត្តិ ពិភពភ្លឺស្វាង និងវត្ថុសក្ដិសិទ្ធិមួយក្នុងលោកនេះ ដោយការផ្លាស់ប្ដូររបស់ខ្លួនឯង ។

ការផ្លាស់ប្ដូរចិត្តគំនិត ត្រូវដូរនឹងការលះបង់ និងការឈឺចាប់បន្ដិចបន្តិចហើយ តែបន្ទាប់ពីផ្លាស់ប្ដូរបាន នោះអ្នកនឹងមើលឃើញអំណាចឥទ្ធិពលនៃការផ្លាស់ប្ដូរនេះយ៉ាងម៉េច តែសូមកុំផ្លាស់ប្ដូរគំនិតវិជ្ជមានទៅជាអវិជ្ជមានអី ។ ការផ្លាស់ប្តូរក្នុងទីនេះយើងមានគោលការណ៍ ១០ ចំណុច ដើម្បីឲ្យអ្នកអានគិតពិចារណា ដូចខាងក្រោម ៖

១) ប្រសិនបើអ្នកគិតថា លំនៅឋានរបស់អ្នកគឺជារឿងសាងសង់ឡើងនៅក្នុងវង់ល្បែងឆ្នោតកន្ទុយលេខ នោះអ្នកនឹងក្លាយជាអ្នកក្រតោតយ៉ាកជាមិនខាន ប៉ុន្តែបើអ្នកមានវិញ ទោះជាគិតថា លំនៅឋានរបស់អ្នកគឺជាពិភពលោកទាំងមូលក៏ដោយ ពេលអ្នកមានគំនិតគិតនឹងគ្រប់គ្រងវា អ្នកត្រូវមានគំនិតគិតគូរក្នុងលក្ខខណ្ឌបែបជាម្ចាស់ការមួយសិន ហើយរឿងដែលជាកម្មសិទ្ធិរបស់អ្នករមែងកើតមានតិចឡើង ពេលអ្នកឈប់គិតគ្រប់គ្រងវា រឿងទាំងអស់ដែលអ្នកមាន នឹងក្លាយជារបស់អ្នកដោយបរិយាយ ។

២) ចូរយកចិត្តទុកដាក់ចំពោះមនុស្សក្នុងគ្រួសារ ចេះចែករំលែកអាហារដែលមានឱជារសឲ្យដល់ពួកគេ ហើយអ្នកក៏មិនចាំបាច់បរិភោគអាហារប្រណីតៗដើម្បីឲ្យខ្លួនឯងមានសេចក្ដីសុខដែរ អ្នកគ្រាន់តែបរិភោគអាហារធម្មតាៗ ត្រូវបរិភោគអាហារវិសេសដែលចេញពីទឹកចិត្តមេត្តា ត្រូវផ្លាស់ប្ដូរស្នាមញញឹម និងសេចក្ដីសុខរបស់មនុស្សក្នុងគ្រួសារឲ្យក្លាយជាអាហាររបស់អ្នក ។

៣) កុំធ្វើជាអ្នកឲ្យតែម្យ៉ាង ព្រោះការធ្វើជាអ្នកឲ្យតែម្យ៉ាងនោះអាចមានជាប់អត្តាក្នុងនោះ ចូរធ្វើជាអ្នកទទួលបម្រើខ្លះក៏ល្អ ព្រោះការធ្វើជាអ្នកបម្រើ គឺដូចជាស្បែកជើងសម្រាប់ឲ្យមនុស្សម្នាគេជាន់លើ អ្នកនឹងមិនមានការបាត់បង់អ្វីពីការធ្វើជាអ្នកបម្រើនេះទេ ។ ព្រោះថា ការបាត់បង់ និងការចាញ់ប្រៀបនោះ គឺជាតួនាទីរបស់អ្នកបម្រើស្រាប់ហើយ ទោះបីជាអ្នកទទួលបានអ្វីក៏ដោយ សូម្បីតែវត្ថុនោះបន្តិចបន្តួចប៉ុនណា ក៏អាចជាវត្ថុធំដុំបានដែរ អាចចាត់ទុកថាទង្វើនេះ គឺជាការប៉ិនប្រសប់ដែលអ្នកអាចសម្របខ្លួនធ្វើយ៉ាងដូច្នេះបានរាល់ថ្ងៃ ។

៤) ចូរបញ្ឈប់តម្រូវការទាំងពួង ទោះបីតម្រូវការនោះល្អឥតខ្ចោះប៉ុនណា ក៏មាននាមថា តម្រូវការហើយ ។ តម្រូវការនេះ តែងនាំមកនូវសេចក្ដីទុក្ខ ។ អ្នកអាចធ្វើជាមនុស្សអ្នកដាំកូនឈើ ដែលមានតួនាទីតែក្នុងពេលបច្ចុប្បន្ន ចូរស្រោចទឹក ដាក់ជី ដក់ស្មៅ មើលថែតែម្យ៉ាង តែចូរកុំស្រោចសេចក្ដីចង់បាននោះចូលទៅ ព្រោះដើមឈើធំធាត់ឡើងដោយសារធាតុរ៉ែ និងទឹក ពុំមែនលូតលាស់ធំធាត់ដោយការចង់បានអ្វីរបស់អ្នកឡើយ ។

៥) សិល្បះនៃការនិយាយដ៏ល្អបំផុត ពុំមែនសម្ដីពូកែប៉ិនសប្រសប់និយាយនោះទេ កាលណាអ្នកត្រូវការនិយាយ ចូរអ្នកនិយាយតែពាក្យពិតសុចរិត សូមឲ្យអ្នកគិតមើលសិនថា សម្ដីបែបណាទើបជាសម្ដីពិតឥតមុសា ។ ការប្រើសម្ដីពិតឥតមុសា អ្នកមានការបាត់បង់ផលប្រយោជន៍ខ្លះៗពិតមែន ប៉ុន្តែអ្នកអាចរក្សាតម្លៃ ជាមួយការដោះដូរផ្លូវចិត្តមកដល់ផ្លូវបើកចំហរមួយបាន (ទំនុកចិត្ត)  ។

៦) ចូរកុំធ្វើជាមនុស្សហ៊ាន តែអ្នកអាចប្រាប់គេឯងថា អ្នកជាមនុស្សពូកែខ្លាចក្នុងកម្រិតណាមួយ កាលណាអ្នកធ្វើជាមនុស្សហ៊ាន អ្នកកំពុងតែបិទបាំង និងការរត់គេចពីខ្លួនឯងហើយ លុះត្រាតែអ្នកមកទទួលស្គាល់ពីភាពភ័យខ្លាចរបស់ខ្លួនវិញ ទើបអ្នកអាចមានភាពធូរស្រាលនៃជីវិតម្ដងទៀតបាន ។

៧) កុំសង្ឃឹមថា អ្នកជាមនុស្សម្នាក់អាចផ្លាស់ប្ដូរលោកនេះបាន គ្មានបុគ្គលណាមួយអាចមកផ្លាស់ប្ដូរលោកនេះបានទេ ព្រោះលោកនេះ មានតែសភាពធម្មតា ទើបមិនមានបុគ្គលណាផ្លាស់ប្ដូរសភាពធម្មតានេះបាន ។ ក្ដីសង្ឃឹមដែលចង់ផ្លាស់ប្ដូរលោកនេះ គឺជាសភាពធម្មតាមួយ ដែលវាកើតឡើង តាំងនៅ និងរលត់ទៅតែប៉ុណ្ណោះ ។ ចូរដោះលែងលោកនេះឲ្យទៅតាមដំណើររបស់វាចុះ ចូរគួសវាសស្លឹកឈើប្រកបដោយបញ្ញា ស្លឹកឈើជ្រុះលើផែនប្រថពីរាល់ថ្ងៃ ចូរអ្នកគួសអ្វីដែលអាចគួសបាន ព្រោះថាថ្ងៃស្អែក ស្លឹកឈើនេះនឹងជ្រុះមកលើផែនដីនេះម្ដងទៀត ជីវិតរបស់អ្នកក៏មានអាការដូច្នោះដែរ ។

៨) តួនាទីរបស់អ្នកមិនមែនជានាទីរបស់អ្នក ព្រោះអ្វីៗដែលអ្នកកំពុងធ្វើ សូមឲ្យមានដំណើរការប្រព្រឹត្តទៅប្រកបដោយភាពរីករាយ ដែលមានប្រយោជន៍ កុំបំពេញតួនាទីប្រកបដោយភាពចង្អៀតចង្អល់ចិត្ត និងកុំស្វែងរកភាពរីករាយដោយធ្វើរឿងគ្មានប្រយោជន៍ឲ្យសោះ ។ ចូរស្វែងរកសមតុល្យនៃភាពរីករាយ និងធ្វើកិច្ចការមានប្រយោជន៍ឲ្យឃើញ ព្រោះនោះគឺជាវិថីនៃគុណសម្បត្តិរបស់ជីវិត ។

៩) កុំបន់ស្រន់រកអំពើល្អណាទាំងអស់ តែចូរធ្វើអំពើល្អនោះដោយខ្លួនឯង ចូរកុំស្វែងរកភាពភ្លឺងស្វាងណាទាំងអស់ តែចូរបង្កើតភាពភ្លឺស្វាងនោះដោយខ្លួនឯង ចូរជាអ្នកចាត់ការធ្វើក្ដីសុបិនរបស់ខ្លួននោះ ឲ្យក្លាយជាការពិត ។ ចូរកុំស្វែងរកមនុស្សដែលគួរដល់ការគោរព តែចូរធ្វើខ្លួនគួរដល់ការគោរពរបស់ខ្លួនវិញប្រសើជាជាង ចូរកុំបន់ស្រន់អង្វរសុំវត្ថុសក្ដិសិទ្ធិឲ្យជួយ តែចូរសាងខ្លួនឯងឲ្យក្លាយជាវត្ថុសក្ដិសិទ្ធិជំនួសវិញ ។ គុណសម្បត្តិ ភាពភ្លឺស្វាង និងភាពសក្ដិសិទ្ធិ សុទ្ធតែលាក់ក្នុងខ្លួនរបស់យើងទាំងអស់ គ្រាន់តែយើងមិនអាចមើលឃើញ មិនមានសមត្ថភាព គ្មានបញ្ញាគាស់កកាយវាចេញមកក្រៅបានប៉ុណ្ណោះ ។

១០ ) ចូរកុំធ្វើជាអ្នកមានជីវិតរឹងរូស តែចូរធ្វើជាអ្នកមានជីវិតសាមញ្ញងាយៗ ចូរធ្វើជាអ្នកទទួលទានសាមញ្ញ រស់នៅសាមញ្ញ និងដេកពួនសាមញ្ញ ចូរធ្វើជាអ្នកនិយាយស្រួល គិតស្រួល និងព្រមទទួលអ្វីៗក៏ស្រួល កុំសន្សំអ្វីដែលកើតភាពចាំបាច់សម្រាប់ជីវិត ព្រោះថា យើងម្នាក់ៗសុទ្ធតែមកនៅក្នុងលោកនេះបណ្ដោះអាសន្នប៉ុណ្ណោះ ។ ការមកជាមនុស្សនេះត្រូវតែតស៊ូផ្សេងគ្រោះថ្នាក់ប្រកបដោយភាពវៃឆ្លាត សូមអ្នកធ្វើជាមនុស្សដែលត្រាច់ចរលើវិថីជីវិត កុំចង់ធ្វើជាមហាសេដ្ឋីមានគ្រឹះរឹងមាំ ចូរកុំធ្វើជាមនុស្សលោតផ្លោះមានស្នាមរបួសរាប់មិនអស់ ចូរធ្វើជាអ្នកសាំជាមួយការស្រេកឃ្លាន និងការឈឺចាប់ ព្រោះរឿងទាំងនេះ សុទ្ធតែខ្លឹមសារនៃជីវិត ដែលញ៉ាំងឲ្យអ្នកមកនៅលើលោកនេះបាន ។ កាលណាខ្លួនបានរៀនចេះដឹងក្នុងកម្មវត្ថុទាំងអស់នេះហើយ អ្នកតែងតែសម្រេចដល់នូវការសិក្សាទាំងឡាយទាំងពួង ៕

------------------------------------------

Cr. គោលគំនិតល្អដើម្បីជីវិត 

រូបភាព៖ ហ្វេសប៊ុក