សាកល្បងគិតភាសាសង្គមមិនអាចទៅជាអាច

បើសិនជាអ្នកឃើញសមត្មិកម្មលំហាត់បែបនេះ តើអ្នកគិតយ៉ាងម៉េចដែរ?

១+១=១

១+២=១

៣+៤=១

៥+៧=១

៦+១៨=១

ខ្ញុំជឿជាក់ថាភាគច្រើននឹងនិយាយដូចៗគ្នាថា វាមិនអាចទៅរួចទេ ។ តើនរណាគេចេះតែមានហ្មង ដាក់លំហាត់ចឹងៗ ? ចេះតើបូកលេខអត់ហ្នឹងដាក់មកចឹង ?

តែប្រសិនបើយើងព្យាយាមមើលក្នុងផ្លូវផ្សេង សាកគិតលេខទាំងនេះជំនួសដោយពាក្យផ្សេងៗថែមពីលើវិញ លំហាត់ទាំងនេះវានឹងអាចចេញចម្លើយបានភ្លាម ពីពាក្យដែលថាមិនអាច ប្រែមកធ្វើបានយ៉ាងងាយ ដូចជា

ចិត្ត ១ + ចិត្ត ១ = ចិត្តតែ ១

១ខែ + ២ខែ =១រដូវ

៣ថ្ងៃ + ៤ថ្ងៃ =១អាទិត្យ

៥ខែ + ៧ខែ =១ឆ្នាំ

៦ម៉ោង + ១៨ម៉ោង = ១ថ្ងៃ

ប្រសិនបើជួបបញ្ហាហើយអ្នកព្យាយាមប្តូរផ្នត់គំនិត លុបបំបាត់ពាក្យថា មិនអាចចេញពីចិត្ត អ្នកនឹងអាចមើលឃើញអ្វីដែលថ្មីៗជាច្រើនដែលអ្នកមិនធ្លាប់នឹកស្មានដល់ ។

ពេលឃើញលំហាត់នេះដំបូង យើងចូលចិត្តយកការគិតដែលយើងធ្លាប់ប្រើ មករកចម្លើយ ទើបយើងគិតថាវាមិនអាចទៅរួច ព្រោះបើតាមក្បួនគណិតវិទ្យា រូបវិទ្យា គីមីវិទ្យា លំហាត់មួយនេះគ្មានផ្លូវអាចទៅរួចឡើយ ។

តែរឿងខ្លះពេលដែលលិចលង់ទាល់គំនិតទៅហើយ គួរយើងសាកល្បងផ្លាស់ប្តូរផ្នត់គំនិត វាអាចនឹងធ្វើឲ្យរឿងដែលមិនអាចទៅរួច អាចកើតឡើងបាន ។

បញ្ហាខាងលើនេះ ក៏ដូចជីវិតរបស់យើងគ្រប់គ្នាដែរ ត្រឹមតែប្តូរគំនិតជាថ្មី ពង្រឹងស្មារតីធ្វើវាឲ្យបាន នោះអ្វីៗក៏នឹងផ្លាស់ប្តូរទៅតាមគំនិតរបស់យើងភ្លាម ៕