ឈឺក្បាលឥតអំពើ ?

_តើហត់ទេ ដែលខ្វល់ពីគេទាំងដែលគេមិនខ្វល់ពីយើង ?👎

_តើហត់ទេ ដែលត្រូវអង្គុយគិត សង្ស័យ ដើរតាមដានគេរាល់ថ្ងៃ ? 👎

_តើហត់ចិត្តទេ ដែលព្យាយាមឃ្វាលគេគ្រប់ជំហាន ? 👎

_តើហត់ទេ ដែលត្រូវប្រចណ្ឌគេតែម្នាក់ឯង ?👎

_តើហត់ទេ ដែលត្រូវគេងបារម្ភខ្លាចបាត់បង់គេ ទាំងដែលគេមិនខ្លាចបាត់បង់យើងបន្ដិចសោះ ?👎

តាមពិតទៅវាជារឿងគ្មានប្រយោជន៍អ្វីទាល់តែសោះ👎ប៉ុន្ដែយើងបែរជាចូលចិត្តយកវាមកទុកក្នុងខួរក្បាលទៅវិញ 😣។ លើលោកនេះគ្មានថាមពលណាអាចឃុំឃាំងចិត្តរបស់នរណាម្នាក់បានទេ បើគេមិនស្មោះត្រង់ ទោះប្រឹងឃ្វាលក៏គង់តែក្បត់ បាន។ បើគេគ្មានចិត្តសម្រាប់យើង ទោះប្រឹងខ្វល់ក៏នៅតែគ្មានប្រយោជន៍ ។ បើគេប្រុងនឹងក្បត់ ទោះឃ្លាតពីយើងត្រឹមប្រាំនាទីក៏អាចក្បត់បាន ។ បើគេប្រុងនឹងទៅ ទោះប្រឹងឃាំង ក៏គេគង់តែទៅ ។ រឿងដែលប្រុងនឹងកើតវាគង់តែកើត រឿងដែលមិនអាចកើត គឺវានៅតែមិនកើត គ្មានអ្វីរារាំង គ្មានអ្វីជម្រុញ ដ្បិតវាជាសភាវៈរបស់ចិត្ត ។

ជំនួសឱ្យការឈឺក្បាលដោយសារគេ មកខ្វល់ពីខ្លួនឯងវិញ ។ ជំនួសឱ្យការសង្ស័យគេ មកពង្រឹងខ្លួនឯងវិញ ។ គេអាចធ្វើអ្វីបាន យើងក៏អាចធ្វើនោះបាន ។ កុំទៅខ្វល់ច្រើនពេក សំខាន់មើលថែខ្លួនឯងឱ្យបានល្អ ហើយត្រូវចងចាំថា គ្មាននរណាម្នាក់ដែលនឹងគោរពសន្យា ថានឹងស្មោះត្រង់ជាមួយយើងរហូត ក្រៅពីគ្រួសាររបស់យើងទេ ។ ឈប់ខ្វល់ច្រើន ឈប់សង្ស័យច្រើន ឈប់តាមដានគេ កុំធ្វើឱ្យខ្លួនឯងឈឺចាប់ដោយសារគេ #ថែខ្លួន ៕

_______

អត្ថបទសំណូមពរ

Cr. Sun Veasna