រឿងសំខាន់បំផុតគឺ “បើចង់មានបាន ចូរគិតដូចអ្នកមានគេគិត” ។ សព្វថ្ងៃនេះ ប្រហែលជាគ្មានអ្នកណាមួយថា មិនចូលចិត្តលុយទេ បើអ្នកគិតថា តើត្រូវធ្វើយ៉ាងណា ទើបមានលុយទុក សាកលោមកអានតាមគោលគំនិតទាំង ១០ ខ ដែលចង់ប្រាប់អ្នកថា គ្រាន់តែប្តូរវិធីគិតឲ្យមានបែបផែនអ្នកមាន អ្នកក៏អាចសន្សំលុយបាន បើអ្នកមានដូចអ្វីដែលខ្លួនគិត ត្រឹមតែធ្វើសាកល្បងម្តងមួយៗ ក៏អាចផ្លាស់ប្តូរចំនួនលុយក្នុងបញ្ជីរបស់អ្នកបានដែរ។
គោលគំនិតទី១ ប្រយ័ត្នរឿងតូចៗដែលហៅថាការចាយវាយ
វាប្រាកដណាស់ថា មនុស្សជាច្រើន រមែងមានអារម្មណ៍ថា ត្រូវតែប្រុងប្រយ័ត្នជាពិសេស បើត្រូវការចាយវាយលុយធំដុំ តែរឿងដែលអ្នកគ្រប់គ្នាភ្លេចគិតនឹកដល់ ត្រឡប់បែរជាចាយវាយត្បិតត្បៀត ដែលយើងចាយវាយក្នុងជីវិតប្រចាំថ្ងៃថា ពេលយើងប្រមូលចូលគ្នាហើយ លុយទាំងនេះអាចធ្វើឲ្យអ្នកស្លុតចិត្តតែម្តង។ យើងប្រហែលជាគិតច្រើនទៅលើរឿងទិញសៀវភៅមួយក្បាល ដែលមានតម្លៃ២០០០០រៀល ប៉ុន្តែបើទិញកាហ្វេផឹកដែលល្បីឈ្មោះមួយកែវ ៨០០០រៀល នំនែកកំប៉ិកកំបុក៤០០០រៀល ទទួលទានការ៉ែមជាមួយមិត្តភក្ដិមួយកែវ មានតម្លៃ៨០០០ បូកសរុបទូទាត់លាត់សើយទៅអស់ ២០០០០រៀល ដូចគ្នាដដែល។ ត្រឹមតែយើងកាត់បន្ថយតម្លៃចាយវាទៅលើរបស់កំប៉ិកកំប៉ុកទាំងនេះចេញ ក៏មានលុយទុកបន្ថែមឡើងដោយបែបមិនគិតនឹកស្មានដល់អ៊ីចឹង។
គោលគំនិតទី២ មុននឹងទិញត្រូវគិតដល់អនាគត
វាច្បាស់ណាស់ថា វាងាយស្រួលណាស់ នឹងទិញឥវ៉ាន់របស់របរដែលខ្លួនចូលចិត្ត ប៉ុន្តែចុងក្រោយពេលយើងទិញរបស់បែបគ្មានព្រំដែន។ តើខ្លួនយើងផ្ទាល់ ក៏នឹងក្លាយជាមនុស្សដែលត្រូវមកអង្គុយពិបាកចិត្តថា នឹងរកចំណូលមកប៉ះប៉ូវលុយដែលបាត់បង់ទៅយ៉ាងណាទេ? រាល់ពេលមុននឹងទិញអ្វីមួយ ត្រូវគិតដល់អនាគតរបស់យើងសិនថា បើទិញហើយ តើអនាគតយើងក្លាយទៅជាបែបណ? តើវាមានផលប៉ះពាល់អ្វីទេ?
គោលគំនិតទី៣ កុំទិញរបស់មិនចាំបាច់ ដើម្បីសាងភាពជាប់ចិត្ត
យើងគ្រប់គ្នា សុទ្ធតែចង់បានពាក្យសរសើរពីមិត្តភក្តិ ឬអ្នកជិតខាងខ្លួន។ ពេលយើងធ្វើជាម្ចាស់លើវត្ថុអ្វីម្យ៉ាង ប៉ុន្តែយើងត្រូវដឹងពីព្រំដែនរបស់ខ្លួនឯង។ យើងគួរទិញរបស់ ព្រោះរបស់នោះមានភាពចាំបាច់ចំពោះយើងច្រើនជាងការទិញដើម្បីធ្វើឲ្យអ្នកដទៃជាប់ចិត្តលើវា។ TIP មុននឹងទិញរបស់គិតសិនថា “កុំទិញរបស់មិនមានការចាំបាច់ ដើម្បីឲ្យអ្នកដែលមិនចេះគាប់ចិត្តសូម្បីតែអ្នកខ្លួនឯង”។
គោលគំនិតទី៤ សាងទីមកទីទៅនៃការចាយវាយ
ពិភពលោករាល់ថ្ងៃនេះ មានតែរបស់របរច្រើនណាស់ ដែលព្រមឲ្យអ្នកព្រមសុខចិត្តចាយលុយ ដោយសន្សំទុកមិនកើត។ បើអ្នកមិនបានដាក់ផែនការ និងបង្កើតប្រព័ន្ធមាត្រដ្ឋានតម្លៃចាយវាយទុកទេ។ អ្នកមានគ្រប់រូបស្គាល់ច្បាស់ជាងលុយរបស់ពួកគេមកពូកន្លែងណា និងកំពុងនឹងទៅទីណាជានិច្ច។ រឿងនេះ បញ្ជីចំណូល និងចំណាយនឹងជួយអ្នកបាន។ រឿងនេះនឹងជួយឲ្យអ្នកបាត់ងើយឆ្ងល់ ព្រោះវាប្រាប់អ្នកបានជានិច្ចថា លុយមកពីណា និងលុយទៅនៅទីណា។
គោលគំនិតទី៥ ធ្វើការឲ្យបានខ្លាំង
មនុស្សជាច្រើនគិតថា វិថីជីវិតរបស់អ្នកមាន មានតែរឿងសប្បាយរីករាយគ្រប់ពេលវេលា។ ការពិតនោះ ផ្ទុយស្រលះ អ្នកមានធ្វើការងារខ្លាំងជាងមនុស្សធម្មតាទូទៅ។ យ៉ាងហោចណាស់ក្នុងកំឡុងវ័យធ្វើការងារ ប៉ុន្តែពួកគេព្យាយាមបន្ថែមចំណូលបាន ព្រោះពេលមានចំណូលបន្ថែមឡើង ពួកគេក៏អាចរក្សាសន្សំលុយមានចំនួនច្រើនឡើងបាននោះឯង។ អ្នកមានគិតថាការធ្វើធុរកិច្ចគឺការសន្សំលុយបានច្រើនជាងលុយចំណាយ ការដាក់ទុន ការដាក់គំរោងផែនការដើម្បីអនាគត និងត្រូវប្រើជំនាញដើម្បីចាប់ឱកាស និងធ្វើការឲ្យខ្លាំងជាងមនុស្សទូទៅទៀតផង។
គោលគំនិតទី៦ បែងចែកចំណែកលុយ
សូមបញ្ជាក់ម្តងទៀតថា អ្នកមានមិនបានប្រើជីវិតជ្រួលច្រានឬមិនត្រូវចាយអ្វីឡើយ ប៉ុន្តែព្រោះការបែងចែកលុយកាក់បានយ៉ាងល្អ ទើបធ្វើឲ្យពួកគេរក្សាមានបានរបស់ខ្លួនឯឯជាប់បាន។ ពួកគេចាត់ចែងរាល់ពេលដែលមានចំណូល។ ដូចនោះសាកល្បងបែងចែកចំណូលរបស់អ្នកខ្លះ ព្រោះនេះគឺជាគោលការណ៍ធានាថា ពេលមានហេតុអាសន្ន ឬហានីភ័យណាមួយកើតឡើង អ្នកមានលុយតម្កល់ទុកសម្រាប់វាស្រាប់។
គោលគំនិតទី៧ ទិញទំនិញបញ្ចុះតម្លៃ ឬតថ្លៃមុននឹងទិញ
អ្នកមានជាច្រើន ក៏ដូចជាមនុស្សធម្មតាទូទៅដែរ ពួកគេត្រូវការចាយលុយឲ្យកើតមូលតម្លៃខ្ពស់ វត្ថុដែលល្អបំផុតគឺទិញរបស់បញ្ចុះតម្លៃ ឬតថ្លៃមុននឹងទិញ។ ពួកគេគិតថា តើហេតុអ្វីត្រូវចាយវាយថ្លៃក្នុងពេលដែលមានជម្រើសល្អជាងនេះច្រើនទៀត?
គោលគំនិតទី៨ យកលុយសន្សំទៅធ្វើវិនិយោគដោយភាពឈ្លាសវៃ
មានមនុស្សជាច្រើនមិនយកលុយដែលសន្សំទុកទៅធ្វើវិនិយោគទេ ព្រោះគិតថា វាមានចំនួនតិចតួច ប៉ុន្តែកុំភ្លេចថាលុយបន្តិចបន្តួច តែពេលសន្សំឲ្យច្រើនឡើង ក៏ក្លាយជាលុយធំដុំបាន និយាយឲ្យស្រួលស្តាប់ទៅ បើអ្នកយកលុយដែលបានសន្សំទុកទៅបណ្ដាក់ទុន វានឹងធ្វើលុយដែលសន្សំទុករបស់អ្នកនោះរីកដុះដាល រហូតដល់អ្នកចម្លែកចិត្តតែម្តង។ ដូចពាក្យចាស់លោកពោលទុកថា “មានប្រាក់មួយសេនពឹងពាក់ផ្សែផ្សំឲ្យគ្រប់មួយកាក់” និងពេលអ្នកបណ្ដាក់ទុនឲ្យត្រូវទី អ្នកពិតជាសមតាមប្រាថ្នា ប៉ុន្តែរឿងទាំងអស់នេះ សុទ្ធតែត្រូវអាស្រ័យលើបទពិសោធ និងការសាកល្បងខុសខ្លះត្រូវខ្លះ ហើយអ្នកនឹងរកឃើញថា ការសន្សំលុយឲ្យពូនគរ វារំភើបចិត្តជាងការចាយលុយដោយភាពខ្ជះខ្ជាយទៀតផង។
គោលគំនិតទី៩ ចេះរៀនមូលដ្ឋានគ្រឹះបង្កើនលុយលានៗ
មនុស្សជាទូទៅគិតសន្សំលុយក្រោយពីកាច់ចំណូលបានរួចរៀបរយហើយ ប៉ុន្តែអ្នកមានគិតគេផ្ទុយមកវិញ វិធីគិតបែបនេះ គេហៅថា រូបមន្តសាងលុយលានៗ។ វិធីសាស្ត្រចាប់ផ្តើមពេលអ្នកមានចំណូលបានប៉ុនណាក៏ដោយ ឲ្យអ្នកកាច់ឬដកហូតលុយមួយចំនួនដែលជាក់លាក់ដើម្បីបរិចាគទៅលើសង្គមវិញ និងដកលុយមួយចំនួនទៀតដើម្បីយកទៅបណ្តាក់ទុនសម្រាប់គោលដៅក្នុងពេលអនាគតរបស់អ្នក ដែលសល់ពីនោះ អ្នកទុកប្រើប្រាស់ចាយវាយរបស់អ្នក។ TIP ប្រសិនបើចង់មាន ចាំទុកណាថា “ចូរប្រើលុយដែលសល់ពីការសន្សំ មិនមែនសន្សំក្រោយពីចាយវាយទេ”។
គោលគំនិតទី១០ បិទរន្ធលេច
អ្នកមានគេមិនចាយវាយទៅលើរបស់របរមិនចាំបាច់ទេ។ ពួកគេជៀសវាងតម្លៃតាមទំនៀម និងតម្លៃចាយវាយដែលមិនចាំបាច់យ៉ាងច្រើន ព្រោះតម្លៃទម្លាប់តូចៗក៏អាចក្លាយជារឿងធំបាន ប្រសិនបើយើងមិនមានការប្រុងប្រយ័ត្នទេនោះ។ អ្នកចាំទុកណាថា “រន្ធលេចតូចៗក៏អាចធ្វើឲ្យទូកធំលិចបានដែរ”។
អ្នកគ្រាន់តែនាំយកគោលគំនិតទាំង ១០ ខមកសម្រួលប្រើឲ្យសក្តិសមជាមួយជីវិតរបស់អ្នក ត្រឹមនេះយើងក៏អាចនឹងយល់ចូលចិត្តបានថា ការសាងភាពជាអ្នកមានបាន វាចាប់ផ្តើមបានពីវិធីគិតងាយៗដោយការផ្លាស់ប្តូរគំនិត និងពេលអ្នកគិតបែបអ្នកមានហើយ។ ថ្នាក់ជាបន្តគឺសាកល្បងធ្វើតាមឲ្យបាគ្រប់ចំណុច រួចហើយមនុស្សអ្នកមានជាបន្តគឺអ្នកខ្លួនឯង។
ប្រភព៖ aommoney
ប្រែ. លឿង ចាន់
