“ការដែលមិនស្គាល់ពីខ្លួនឯងច្បាស់”គឺចាត់ទុកថាជាឧបសគ្គដ៏ធំមួយ
ដែលធ្វើឲ្យអ្នកមិនមានសមត្ថភាពនិងការត្រៀមខ្លួនឲ្យបានគ្រប់គ្រាន់ក្នុងការទទួលបានជោគជ័យនៅក្នុងឆាកជីវិត
។
ប្រសិនបើយើងនៅតែមើលធាតុពិតរបស់ខ្លួនយើងមិនឃើញ
ឬមិនទាន់ច្បាស់ថា ខ្លួនស្រឡាញ់អ្វី ចូលចិត្តអ្វី ហើយស្អប់អ្វី ខ្លួនឯងសក្តិសម
និងមានជំនាញទៅលើអ្វីឲ្យប្រាកដ? បើមិនដឹងដូច្នេះ “ប្រៀបដូចជាមនុស្សខ្វាក់ដែលដើរនៅលើដងវិថីដ៏ធំល្វឹងល្វើយ
ដែលពិបាកក្នុងការដើររកច្រកចូលនៃភាពជោគជ័យបាន
ព្រោះថាមនុស្សដែលមានកែវភ្នែកល្អ ក៏ពិបាកឈានទៅដល់ច្រកនោះទៅហើយ ចុះទម្រាំតែអ្នកខ្វាក់ភ្នែកទៀតនោះ តើពិបាកប៉ុនណា?
មនុស្សយើងកើតមកម្នាក់ៗតែងតែទទួលបានឥទ្ធិពលពីមនុស្សដែលនៅជុំវិញខ្លួនអូសទាញឲ្យគិត
ទើបខ្លួនរៀនគិត ចេះគិត ស្គាល់វិធីគិតនូវអ្វីដែលមនុស្សទាំងឡាយទាំងពួងគិតថាល្អ
ទើបធ្វើការផ្លាស់ប្តូរគំនិតរបស់ខ្លួនបន្តិចម្តងៗជ្រៅទៅៗ រហូតដល់ស្វែងរកធាតុពិតរបស់ខ្លួនលែងឃើញនៅទីបំផុត
។
ក្នុងការនេះ មានអ្នកខ្លះទទួលបានជោគជ័យលើតួនាទីនៃការងាររបស់ពួកគេយ៉ាងត្រចេះត្រចង់
តែពួកគេមិនទទួលបានក្តីសុខពីភាពជោគជ័យ ដែលពួកគេបានទទួលនោះឡើយប្រៀបដូចជាជីវិតនៅខ្វះអ្វីម្យ៉ាង
នោះមកពីពួកគេទាំងនោះ មិនបានចូលទៅឲ្យស្គាល់ធាតុពិតរបស់ពួកគេតាំងពីដើមរៀងមក
។
ចុងក្រោយទោះបីពួកគេទទួលបានជោគជ័យក៏ដោយ
វាគ្រាន់តែជាជោគជ័យសំបកក្រៅប៉ុណ្ណោះ ហើយវានឹងធ្វើបាបចិត្តរបស់ពូកគេកាន់តែខ្លាំង
ដោយភាពជោគជ័យក្លែងក្លាយនោះ ។ ការដែលបានឈ្វេងយល់ពីខ្លួនឯង
ត្រូវតែចាប់ផ្តើមកម្ចាត់អារម្មណ៍ដែលខ្លួនឯងមានតាំងពីក្មេងវ័យ ។ ការកំចាត់រនាំងឃុំឃាំងនៃការគិតរបស់អ្នកគ្រប់ពេល
បណ្តោយឲ្យការគិតនិងចិត្តគំនិតគ្របដណ្តប់លើភាពការពិតជាក់ស្តែង ដែលខ្លួនឯងមានហើយ
ចាប់ផ្តើមធ្វើការពិចារណាខ្លួនឯងថា តើខ្លួនបានធ្វើអ្វីខ្លះ ? តើទទួលបានផលល្អ
ឬផលអាក្រក់យ៉ាងម៉េចដែរ?
ការធ្វើបែបនេះគឺជាការធ្វើដើម្បីអភិវឌ្ឍលើគោលគំនិត
ធ្វើឲ្យអ្នកមើលឃើញនូវភាពជោគជ័យយ៉ាងពិតប្រាកដបាន ។ នៅទីបំផុតអ្នកនឹងអាចឈានចូលទៅដល់ចិត្ត
ឬអារម្មណ៍ពិតប្រាកដរបស់ខ្លួនឯងបាន មើលឃើញថាខ្លួនឯងមានសមត្ថភាព
ឬមានការស្រឡាញ់ពេញចិត្តលើផ្នែកណាមួយឲ្យប្រាកដ រួមជាមួយនឹងការបង្ហាញឲ្យឃើញពីចំណុចដែលខ្លួនឯងខ្វះខាតបានគ្រប់ពេលវេលា
។ ជាពិសេសចំពោះការដែលដោះស្រាយបញ្ហាដែលអាក្រក់ៗទាំងឡាយនោះ
ទាំងក្នុងរយៈពេលខ្លីនិងរយៈពេលវែង ។ អ្វីៗទាំងឡាយនេះ បើយើងអាចប៉ះ
ឬមើលឃើញដោយកែវភ្នែកទទេនៃធាតុពិត ដែលខ្លួនមានស្រាប់ វានឹងអាចធ្វើឲ្យយើងទទួលស្គាល់នូវធាតុពិតរបស់ខ្លួនបានកាន់តែច្រើនឡើង
។
យើងនឹងយល់ថា ហេតុអីក៏យើងចាំបាច់ត្រូវជ្រើសផ្លូវនោះ? ហេតុអ្វីក៏យើងចាំបាច់ធ្វើអ្វីទាំងឡាយនេះ?
អ្វីដែលធ្វើហើយមិនមែនជាធាតុពិតរបស់យើងនោះវានឹងថយចុះ
ធ្វើឲ្យយើងមើលសមត្ថភាពពិសេសដែលលើសពីអ្វីទាំងឡាយដែលនៅគ្រប់ជ្រុងជ្រោយរបស់ខ្លួនឯង
។ នោះគឺជាចំណុចផ្តើម និងជាការចាប់ផ្តើមដ៏សំខាន់ចម្បង ក្នុងជីវិតរស់នៅរបស់អ្នក
ប្រៀបដូចជាត្រីវិស័យចង្អុលទិសមិនឲ្យយើងវង្វេងផ្លូវ ចំពោះអ្វីគ្រប់យ៉ាងដែលឈានចូលមក
ក្នុងជីវិតយើង ។
ក្រៅពីនេះ ការស្គាល់់ពីធាតុពិតរបស់ខ្លួន
ជាវិធីមួយដ៏ងាយស្រួលក្នុងការឈានទៅរកការយល់ចិត្តអ្នកដទៃបានកាន់តែច្រើនឡើង
ធ្វើឲ្យយើងងាយស្រួលក្នុងការធ្វើការងារជាមួយអ្នកដទៃបានងាយស្រួលជាងមុន
អាចចាត់ទុកថាយើងកាន់សន្លឹកបៀធំជាងគេដែលវានឹងអាចធ្វើឲ្យយើងក្លាយជាមនុស្សដែលជាអ្នកដឹកនាំគេ
និងទទួលជ័យជំនះបានគ្រប់ពេលវេលាដូចដែលលោកឈុនវ៉ូ បានមានប្រសាសន៍ក្នុងសៀវភៅដ៏ល្បីមួយអ៊ីចឹង
ទោះបីវាយូរឆ្នាំមកហើយក៏ដោយ ។
“ស្គាល់គេស្គាល់ខ្លួនឯងប្រកួត១០០ដងឈ្នះទាំង១០០ដង
មិនស្គាល់ពីគេតែយើងស្គាល់ពីខ្លួនឯងឈ្នះម្តងចាញ់ម្តង មិនស្គាល់ពីគេមិនស្គាល់ពីខ្លួនឯង
ប្រកួត១០០ដង ចាញ់ទាំង១០០ដង”
។
ការដឹងនិងការស្គាល់ពីខ្លួនឯង ពិតជាសំខាន់ខ្លាំងណាស់ សំខាន់ដល់ថ្នាក់ថា
ជាតួអង្គក្នុងការកំណត់ពីក្តីសុខនិងភាពជោគជ័យតែម្តងក៏ថាបានដែរ ៕
----------------------------
Cr. គោលគំនិតល្អដើម្បីជីវិត
