មាតាបិតាមានសេចក្ដីស្រឡាញ់ក្ដីមេត្តាករុណាចំពោះបុត្តធីតា

មាតាបិតាមានសេចក្ដីស្រឡាញ់ក្ដីមេត្តាករុណាចំពោះបុត្តធីតា

មានគំនិតទសន្សៈមួយដែលគេលើកឡើងថា ម្ដាយឪពុកមិនមានគុណនោះ បើតាមមនុស្សនិយាយគិតដោយទូទៅគេយល់ថា មនុស្សបែបនេះនឹងមានបាបកម្ម។ បាបកម្មគឺជាកម្មដែលមិនល្អជាអំពើអាក្រក់ ការដែលមានកម្មមិនល្អក៏មានផលរបស់កម្មនោះមិនល្អដែរ ហើយជាការទទួលផលរបស់បាបនោះ ។ បុគ្គលណាមិនជឿក្ដីឬជឿក្ដី វាជាកម្មរបស់ភាន់គេ ។ ការពិត វាត្រូវតែកើតមានដូច្នោះ ត្រូវមានបាបកម្ម ត្រូវមានផលមិនល្អ ព្រោះវាជាផលរបស់បាបនោះឯង ។ មានតែផលបុណ្យប៉ុណ្ណោះ ទើបនឹងកើតមានផលល្អ ផលរបស់បាបនឹងកើតមានផលល្អមិនបានឡើយ អ្នកជឿមិនជឿងក៏ហីទៅចុះ ។ សច្ចធម៌នេះមិនដែលប្រែប្រួលឡើយ ត្រូវជាសច្ចធម៌គ្រប់កាលលំហទាំងអស។

គំនិតគួរពិចារណាខ្លឹមសារនៃជីវិត (៨៩)

គំនិតគួរពិចារណាខ្លឹមសារនៃជីវិត (៨៩)

“…ការឃើញត្រៃលក្ខណ៍ធ្វើឱ្យចិត្តលែងប្រកាន់មាំ ។ ការឃើញអនិច្ចំ ការមិនទៀង ទុក្ខំ សភាពអត់ធន់បានដោយលំបាក និងអនត្តា មិនមែនជារបស់ខ្លួន ក្នុងរឿងអ្វីណានីមួយ រមែងមិនមានសេចក្ដីប្រកាន់មាំក្នុងរឿងនោះ ។ ការឃើញសេចក្ដីមិនទៀងទាត់ឋិតថេរចេរកាល ឃើញសភាពអត់ទ្រាំបានដោយលំបាក និងឃើញថា គ្មានអ្វីជាកម្មសិទ្ធិរបស់ខ្លួនក្នុងវត្ថុទាំងឡាយទាំងពួង រមែងមិនមានការប្រកាន់មាំក្នុងវត្ថុទាំងឡាយទាំងពួងនោះ…” ៕

គំនិតគួរពិចារណាខ្លឹមសារនៃជីវិត (៨៨)

គំនិតគួរពិចារណាខ្លឹមសារនៃជីវិត (៨៨)

“…យប់និងថ្ងៃចេះតែកន្លងផុតទៅ មានជីវិតរស់នៅ តើយើងបានធ្វើអ្វីខ្លះហើយ? ព្រោះថា ជីវិតរបស់យើងម្នាក់ៗបានអស់ទៅ រលត់ទៅ ស្លាប់ទៅតាមកាលវេលា គ្រប់ដង្ហើមចេញនិងចូលរបស់យើង ដែលមិនអាចទាមទារត្រឡប់យកមកវិញបានទេ ។

យើងម្នាក់ៗកំពុងតែរវល់ភ្លើតភ្លើនសប្បាយរីករាយជាមួយអ្វីហ្ន៎? នៅក្នុងលោកមួយនេះ ដែលប្រកមព្រមទៅដោយភ្លើងកើតចាស់ឈឺស្លាប់បែបនេះ ហេតុអ្វីយើងមិនព្រមចម្រើនមេត្តាភាវនា? ហេតុអ្វីយើងមិនព្រមរៀនលះបង់កិលេសឱ្យហើយទៅ? ពេលភាពចាស់ចូលមកទន្រ្ទានដល់ ឬចាំឱ្យភាពព្យាធិមានជំងឺដង្កាត់ចូលមកដល់ ចិត្តរឹតតែវិលវល់ សេចក្ដីស្លាប់រឹតតែឆាប់ជិតចូលមកដល់ សួរថាតើយើងម្នាក់ៗបានលះបង់កិលេសចោលខ្លះហើយឬនៅ?

តើយើងម្នាក់ៗរវល់តែទៅធ្វើអ្វី? ជីវិតរបស់មនុស្សយើងម្នាក់អស់ទៅ ដូចជាការអុជភ្លើងទៀនឡើងហើយ ភ្លើងវាក៏ឆេះទៅ ទៀនចេះតែអស់ទៅទាល់តែអស់ ។ ចូរដាស់តឿនចិត្តរបស់ខ្លួនឯងថា យើងចម្រើនចិត្តហើយឬនៅ កុំមានសេចក្ដីប្រមាទឱ្យសោះ ចូរចម្រើនចិត្តយើងមួយនេះនៅគ្រប់ដង្ហើមចេញនិងចូលរបស់យើងណ៎ា…៕

អប់រំដោយ

តេជគុណ ពុទ្ធាចារោ

ភាពជាមិត្ត

ភាពជាមិត្ត

កាលកន្លងទៅយូរហើយ…

នៅលើដែនកោះមួយ មានការប្រមូលរួបរួមអារម្មណ៍ទាំងឡាយ ឱ្យមកអាស្រ័យរស់នៅម្ដុំគ្នា

ក្នុងអារម្មណ៍ទាំងនោះ មានដូចជា

អារម្មណ៍មានបាន អារម្មណ៍សុខ អារម្មណ៍ស្រឡាញ់ អារម្មណ៍សោកា អារម្មណ៍ពុទ្ធិ អារម្មណ៍អាត្មានិយម និងអារម្មណ៍ផ្សេងៗទៀតជាច្រើន។

ថ្ងៃមួយ មានសេចក្ដីប្រកាសអាសន្នដល់អារម្មណ៍ទាំងអស់នោះថា កោះមួយនេះកំពុងលិចទឹក។

ដូចនោះ អារម្មណ៍ទាំងអស់ ទើបបានត្រៀមលក្ខណៈទូកចម្លង ដើម្បីរំដោះខ្លួនចេញពីកោះនោះ

គ្មានអ្នកណាហ៊ានលះបង់ពិត ស្រឡាញ់យើងស្មោះ ដូចជាម្ដាយឪពុកយើងទេ?

គ្មានអ្នកណាហ៊ានលះបង់ពិត ស្រឡាញ់យើងស្មោះ ដូចជាម្ដាយឪពុកយើងទេ?

ប្រិយមិត្តអ្នកអានបានដឹងបានជ្រាបរួចមកហើយ ហើយក៏ប្រហែលជាធ្លាប់ហែលឆ្លងកាត់នៅស្នេហាមួយសឹងតែគ្រប់គ្នាផងដែរក៏មិនដឹង ។ ហើយរូបភាពស្នេហានេះ មានគ្រប់មនុស្សប្រុសស្រីទាំងអស់ សូម្បីតែសត្វក៏មានក្ដីស្រឡាញ់តាមបែបផែនរបស់វាដែរ ។ ស្នេហាអ្នកខ្លះ ទទួលបានផលវិជ្ជមានចំពោះខ្លួនឯង និងស្នេហាអ្នកខ្លះទៀត ក៏ទទួលបានផលអវិជ្ជមានផងដែរ ។ អ្នកខ្លះយកស្នេហាធ្វើជាត្រីមុខនាំខ្លួនឱ្យធ្លាក់ទាបថោក ហើយអ្នកខ្លះទៀតយកស្នេហាជាស្ពានចំលងឆ្លងកាត់ឧបសគ្គទាំងឡាយ ដើម្បីសាងអនាគតដ៏ត្រចះត្រចង់របស់ខ្លួនដែរ ។

ក្នុងស្នេហានេះ មានមនុស្សមិនតិចទេ ដែលភ្លេចគិតស្រឡាញ់ខ្លួនឯង ថែរក្សាខ្លួនឯងឱ្យរឹងប៉ឹង ឱ្យស្វាហាប់ចង់ឃើញក្ដីសុបិនរបស់ខ្លួនក្លាយជាការពិត ហើយមានអ្នកខ្លះទៀតមិនទាំងស្រឡាញ់ខ្លួនហើយ ថែមទាំងភ្លេចស្រឡាញ់មនុស្សដែលធ្លាប់ស្រឡាញ់ខ្លួន ថែរក្សាខ្លួនតាំងពីនៅក្នុងផ្ទៃរហូតដល់ធំ ព្រមទាំងចិញ្ចឹមមើលថែបីបាច់ខ្លួនដោយការថ្នាក់ថ្នម យកចិត្តទុកដាក់ ដោយមិនបានគិតពីការហត់នឿយ ឈឺចាប់របស់ខ្លួនឯងឡើយ ដូចជារឿងរ៉ាវខាងក្រោមនេះ 

៧វិធីសាងសំណាងឱ្យជារបស់ខ្លួនឯង

៧វិធីសាងសំណាងឱ្យជារបស់ខ្លួនឯង

តើអ្នកធ្លាប់ជួបប្រសព្វដែរទេថា អ្នកខ្លះគិតឆោងចាប់ធ្វើអ្វីក៏បានសម្រេច បានជោគជ័យ ជីវិតសមប្រកបទៅដោយសុភមង្គល សមក្ដីប្រាថ្នា ថែមទាំងមើលទៅមានសេចក្ដីសុខបំផុតតែម្ដង ហើយអ្នកដឹងដែរទេថា ជីវិតដែលមើលទៅសំណាងបែបនេះ ពុំមែនព្រោះតែជោគជតាពីកំណើតត្រឹមតែម្យ៉ាងប៉ុណ្ណោះទេ តែកើតមានព្រោះតែពួកគេប្រឹងប្រែងអភិវឌ្ឍខ្លួនឯងបានច្រើនជាង? បើសិនអ្នកមានបំណងប្រាថ្នាចង់មានជីវិតបែបនេះ មិនចាំបាច់ទៅបន់ស្រន់អ្នកតា ទេវតាឯណាទេ គ្រាន់តែធ្វើតាមវិធីទាំង៧នេះ ធានាថា ខ្លួនអ្នកផ្ទាល់សាងលាភសំណាង ហេងៗ ឱ្យធ្វើជារបស់ខ្លួនបានមិនមែនជារឿងអីត្រូវពិបាកឡើយ ។

៧ វិធី ឈប់ពីការមើលលោកនេះក្នុងផ្លូវអវិជ្ជមាន

៧ វិធី ឈប់ពីការមើលលោកនេះក្នុងផ្លូវអវិជ្ជមាន

ដោយសារតែមានការសិក្សាស្រាវជ្រាវរកឃើញថា ការសម្លឹងមើលលោកនេះក្នុងផ្លូវអវិជ្ជមាន ឬពេលមនុស្សយើងមានចេតនានឹកដល់រឿងរ៉ាវ និងជាមនុស្សចូលចិត្តប្រើអារម្មណ៍ យកអារម្មណ៍ខ្លួនជាធំ ពូកែក្រេវក្រោធ ឬយំខ្សឹកខ្សួលអួនអាក់ជារឿយៗ ខួរក្បាលចំណែកស៊ីរីបរាំ និងស៊ីរីបែលឡាំ រួមទាំងខួរក្បាលផ្នែកខាងឆ្វេង (ដែលមានទំនាក់ទំនងដល់ការចងចាំ និងការគិតវិភាគ) នឹងធ្លាក់ខ្សោយចុះ។ ផ្ទុយមកវិញ ពេលមនុស្សយើងមានចេតនានឹកដល់រឿងរ៉ាវល្អ សេចក្ដីសុខ សេចក្ដីរីករាយសប្បាយ និងជាមនុស្សមានអារម្មណ៍ល្អ ត្រជាក់ចិត្ត ម៉ត់ចត់ ខួរក្បាលទាំងបីថតនោះក៏មានកម្លាំងឡើង ។

លោកវិជ្ជបណ្ឌិត ដេនៀល ជី.អេមែន អ្នកនិពន្ធសៀវភៅ ដែលមានចំណងជើងថា ការបង្កើតឱ្យមានខួរក្បាលល្អ (Making a Good Brain Great) ទើបមានវិធីកែសម្រួលអកម៉ូនដែលមានផលវិជ្ជមានចំពោះអារម្មណ៍ក្នុងខួរក្បាល រួមទាំងវិធីគិតរបស់ខួរក្បាល ដើម្បីបន្ថែមប្រសិទ្ធភាពការធ្វើការងាររបស់ខួរក្បាល ដែលគោលគំនិតល្អដើម្បីជីវិត បានកំពុងស្វែងរកសរសេរយកមកចុះផ្សាយក្នុងគេហទំព័ររបស់ខ្លួន ដើម្បីជាប្រយោជន៍ដល់ប្រិយមិត្តអ្នកអាន ដែលជាអ្នកចូលចិត្តមើលលោកនេះ ក្នុងផ្លូវអាក្រក់ចំពោះជីវិត និងមើលឃើញរឿងរ៉ាវក្នុងជីវិតដែលខ្លួនចូលចិត្តគិតថា ខ្លួនមិនដូចអ្នកដទៃ ខ្លួនមិនមានដូចអ្នកដទៃ អ្នកដទៃគេល្អជាងខ្លួន។ល។

វិធីសាស្ត្រងាយៗ៧យ៉ាងប្រើរក្សាអាការៈបាក់ទឹកចិត្ត

វិធីសាស្ត្រងាយៗ៧យ៉ាងប្រើរក្សាអាការៈបាក់ទឹកចិត្ត

តើប្រិយមិត្តអ្នកអានជឿទេថា មានមនុស្សច្រើនណាស់ ប្រហែលជាធ្លាប់ប្រឈមមុខជាមួយអារម្មណ៍តានតឹង(ស្ត្រេស) រងសម្ពាធពីរឿងរ៉ាវច្រើនប្រការ រហូតដល់ធ្វើឱ្យចិត្តមានសភាពង៉ាក់ងើ ធេងធោង ល្ហិតល្ហៃ អស់កម្លាំងចិត្ត លែងចង់ធ្វើអំពើល្អផ្សេងៗ ឬតាមអ្នកស្រុកគេហៅថា អាការៈបាក់ទឹកចិត្ត ឬជំងឺបាក់ស្បាត ។ បើសិនអ្នកព្យាយាមទាញខ្លួនឯងឱ្យចេញពីអារម្មណ៍ទាំងនេះបានហើយ តែនៅមិនទាន់បានរសាត់បង់ទៀតនុ៎ះ គោលគំនិតល្អដើម្បីជីវិត សូមណែនាំឱ្យប្រិយមិត្តអ្នកអានទាំងអស់គ្នា បែរមកសាកល្បងធ្វើតាមវិធីសាស្ត្រងាយៗទាំង៧ ប្រើរក្សាអាការៈបាក់ទឹកចិត្ត ឬជំងឺបាក់ស្បាត ដែលបានដកស្រង់ចេញពីសៀវភៅ “ស្រឡាញ់បំផុត ត្រង់ចំណុចដែលខ្លួនឯងមាន” ហ៊ានធានាថា ប្រិយមិត្តអ្នកអានដែលធ្លាប់បានកំពុងជួបជំងឺបាក់ស្បាត អស់កម្លាំងចិត្ត លែងមានអារម្មណ៍ និងក្លាយជាមនុស្សមានអារម្មណ៍ស្រស់ស្រាយ និងប្រែក្លាយខ្លួនមករកសភាពដើមវិញជាក់ជាមិនខានឡើយ ។  

តើមនុស្ស មានន័យថាយ៉ាងម៉េច?

តើមនុស្ស មានន័យថាយ៉ាងម៉េច?

ជាបឋម សូមលើកំប៉ង់អញ្ជលីលើកដៃទាំងពីរនៃម្រាមទាំងដប់ ផ្គងចិត្តចំពោះត្រង់ព្រះមានព្រះភាគជាអម្ចាស់ ជាមង្កុដិលើលោកា ជាគ្រូនៃមនុស្សនិងទេវតា ប្រោសព្រះទានព្រះធម៌ទេសនា អស់៤៥ព្រះវស្សា ឱ្យឆ្លងផុតវាលទុក្ខក្នុងសមុទ្រសង្សារវដ្ដ រាប់ប្រមាណមិនបាន ។ សូមគោរពថ្វាយបង្គំព្រះធម៌ ជាឱសថល្អឆើត សត្វណាបានក្រេបផឹក នឹងភ្ញាក់កំណើតកើតគំនិត គប់ប្រសព្វកើតបញ្ញា កាប់ឆ្ការព្រៃស្នាប់ពោលគឺកិលេសតណ្ហា បាលដល់ត្រើយគឺសុខានិព្វានហោង ។  ជាទីបញ្ចប់ សូមក្រាបថ្វាយបង្គំព្រះសង្ឃ ជាសាវកពុទ្ធល្អបរិសុទ្ធ លោកប្រតិបត្តិហើយដោយប្រពៃត្រង់ ដើម្បីបានសម្រេចមគ្គផលនិព្វាន លោកជាបុញ្ញក្ខេត្តជាទីដុះឡើងនៃពូជរបស់មនុស្សសត្វ  អ្នកមានចិត្តប្រាថ្នាចង់ដួសដងយកមគ្គផល ទុកជាស្ពាន ទុកជាស្បៀងសម្រាប់ជាតិភពផ្សេងៗរបស់ខ្លួន ។ ដោយអានុភាពនៃការធ្វើបទនមស្សការ ថ្វាយបង្គំ ដោយអំណាចតេជគុណព្រះតរនត្រៃទាំងបីនេះ និងដោយសច្ចវាចារបស់ខ្ញុំ សូមកំចាត់បង់នូវឧបទ្រុពទាំងឡាយទាំងពួង ទាំងសេចក្ដីអន្តរាយទាំងឡាយជាអនេក ក៏ចូរឱ្យវិនាសទៅកុំបីមានសេសសល់ឡើយ ។ 

គំនិតគួរពិចារណាខ្លឹមសារនៃជីវិត (៨៧)

“…ព្រះពុទ្ធបរមគ្រូជាម្ចាស់នៃយើង ព្រះអង្គទ្រង់ត្រាស់អំពីចិត្តរបស់ព្រះអរហន្តទាំងឡាយថា ជាចិត្តដែលគ្មានដែនកំណត់ ប្រៀបដូចជាលំហអាកាស ព្រោះថាលំហអាកាសគ្មានទីបំផុត រកប្រមាណមិនបាន…

ពេលដែលយើងឡើងមកដល់ទីខ្ពស់ បើសិនអប់រំចិត្តយើងឱ្យស្ងប់ យើងនឹងមានអារម្មណ៍ចង់លើកកំពស់ចិត្តរបស់យើងនេះឱ្យខ្ពស់ និងឱ្យស្រាល ដូចជាផ្ទៃមេឃវាលហហេវ មានឥស្សរៈ ប៉ុន្តែចិត្តរបស់យើងមិនអាចប្រព្រឹត្តធ្វើដូច្នេះបាន ពីព្រោះភាពអាត្មានិយម ឬក៏សាងរូបអត្តាតួខ្លួនឡើងមកគ្រប់គ្រងចិត្តរបស់យើងទុក ធ្វើឱ្យចិត្តមួយនេះតូចចង្អៀត ។

ដូចមនុស្សដែលរស់នៅលើផែនដី នឹងឃើញផ្ទៃមេឃក្នុងជ្រុងមួយដែលមានក្របខណ្ឌដែនកំណត់ ពេលដែលយើងឡើងមកដល់លើទីខ្ពស់ នឹងឃើញផ្ទៃមេឃធំល្វឹងល្វើយ ទិដ្ឋភាពទាំងនោះដូចជាចង់ប្រាប់ថា គោលដៅជីវិតយើងគឺការអភិវឌ្ឍចិត្តរបស់យើងឱ្យធំល្វឹងល្វើយគ្មានដែនកំណត់ មិនមានទីបំផុត រកប្រមាណមិនបាន ព្រោះមិនមានការតោងប្រកាន់ក្នុងតួខ្លួនដែលជាក្របខណ្ឌនេះទុកទេ… ។ 

អប់រំដោយ

ផៃសាល វិសាលោ

៨វិធីធ្វើចិត្តដើម្បីឈប់គិតច្រើន

៨ វិធីធ្វើចិត្តដើម្បីឈប់គិតច្រើន

វាជាការពិតហើយ គំនិតជារឿងមួយ ដែលមនុស្សយើងគ្រប់គ្រងមិនបានមួយរយភាគរយទេ ប៉ុន្តែការហ្វឹកហាត់ចិត្ត វាក៏អាចជួយឲ្យគំនិតនោះ ប្រព្រឹត្តទៅដោយគុណភាព និងមិនបំផ្លាញខ្លួនឯងបាន។ សំនួរដែលគេតែងតែសាកសួរច្រើនគឺ តើហេតុអ្វី រឿងខ្លះយើងចង់បំភ្លេចពីការចងចាំរបស់យើង ប៉ុន្តែយូរថ្ងៃត្រឡប់ជាចាំឡើងៗរាល់ពេល?

គឺគិតទៅដល់រឿងចាស់ៗ ដូចជាវិលវល់នៅក្នុងទូចិញ្ចឹមត្រី ភ្លេចបានតែមួយភ្លែត ក៏ត្រឡប់មកដូចដើមវិញដដែល វាយូរពេកណាស់ដែលយើងធ្លាប់ធ្វើបាន។ គិតរឿងដដែលៗអស់រយៈកាលជិតពីរឆ្នាំ តើមានវិធីណាដែលអាចធ្វើឲ្យយើងពុំចាប់អារម្មណ៍ឬគិតដល់វាបានខ្លះទេ?

ចម្លើយ......

គំនិតគួរពិចារណាខ្លឹមសារនៃជីវិត (៨៦)

បើសិនជាយើងបានធ្វើល្អ និយាយល្អ គិតល្អហើយ

អ្នកដទៃគេគិតថា យើងធ្វើមិនល្អ

ក៏មិនថ្វី…

កាលបើយើងធ្វើល្អហើយ

អ្នកដទៃថាមិនល្អ

...វាជារឿងរបស់គេ

យើងកុំបោះប៉ង់ចោលអំពើល្អរបស់ខ្លួន

អំពើល្អនោះ វានៅជាប់នឹងខ្លួនរបស់យើង

មិនមែនជាប់ជាមួយអ្នកដទៃទេ

កុំភ្លេចថា អ្នកសាងកម្មណា បានកម្មនោះ

កុំទៅប្រកាន់មាំនឹងគេថា

និងចាប់អារម្មណ៍មើលអ្នកដទៃ” ។

ទ្វារនរក-សួគ៌

ទ្វារនរក-សួគ៌

មានអ្នកគុននិយមដាវសាមុរ៉ៃម្នាក់ឈ្មោះណូបុស៊ិកិ មករកគ្រូហាកូអ៊ិន ។ គ្រូហ្សិនដែលមានមនុស្សម្នារាប់អានច្រើនកុះករ ហើយសួរថា

តើឋានសួគ៌ និងនរកមានពិតទេ?

តេជគុណហាកូអ៊ិនសួរត្រឡប់ទៅវិញថា “តើអ្នកជានរណា?”

អ្នកគុននិយមដាវសាមុរ៉ៃតបថា “ខ្ញុំកូណាជាអ្នកគុននិយមដាវសាមុរ៉ៃ”

“អ្នកឯងឬ ជាអ្នកគុននិយមដាវសាមុរ៉ៃ?” តេជគុណហាកូអ៊ិន ធ្វើជាភ្ញាក់ផ្អើល ហើយសួរបន្តថា

“ចៅហ្វាយរបស់អ្នកប្រហែលជាព្រិលភ្នែក ដែលរើសអ្នកឱ្យធ្វើជាអង្គរក្ស មុខមាត់របស់អ្នកគ្មានរាសីសោះ មើលទៅដូចជាអ្នកសុំទាន៥៥៥” ហើយសើចបែបរៀងចំអន់លេង ។ ណូបុស៊ិកិ ខឹងក្ដៅស្លឹកត្រចៀកង៉ាង ញ័រអស់អង្គប្រាណ ធ្វើឫកដូចជាដកដាវចេញមកក្រៅ ប៉ុន្តែគ្រូហាកូអ៊ិនមិនណយប៉ុន្មានទេ នៅតែពោលស្តីបន្តទៅទៀតថា “អើ តើអ្នកមានដាវដែរឬ តែអាត្មាថា ដាវរបស់អ្នកប្រហែលជាទាលពេកនឹងកាត់ករបស់អាត្មាមិនដាច់ទេមើលទៅនុ៎ះ” ។

ណូបុស៊ិកិ កាលបើត្រូវគេមើលងាយមើលថោកដូចនេះ ទើបស៊ួទ្រាំលែងបាន ដកដាវចេញពីស្រោមដោយភ្លេចខ្លួនភ្លាម លោកគ្រូហាកូអ៊ិន ពោលសំឡេងរៀងស្មើមកវិញថា

“ហ្នឹងឯង ទ្វារនរកបើកហើយ” ដោយសម្ដីមានប្រមាណប៉ុណ្ណេះ ធ្វើឱ្យអ្នកគុននិយមដាវសាមុរ៉ៃយល់ពីពាក្យអប់រំរបស់គ្រូហាកូអ៊ិនភ្លាម គេញញឹមញញែម ហើយសូកដាវចូលស្រោមវិញទៅ និងឱនក្បាលក្រាបសំពះសុំខមាទោសលោក ។ តេជគុណ ហាកូអ៊ិនទើបមានថេរដីកាឡើងថា “ហ្នឹងឯង ទ្វារសួគ៌បើកហើយ” ។

និទានរឿងព្រេងនេះអប់រំថា នរក-សួគ៌នោះ… ស្ថិតនៅត្រង់ចិត្ត

លោភៈ ទោសៈ និងមោហៈឱ្យនៅជិតចិត្តខ្លួនខ្លាំងប៉ុនណា មានគ្រោះថ្នាក់ខ្លាំងប៉ុណ្ណោះ

លោភៈ ទោសៈ និងមោហៈឱ្យនៅជិតចិត្តខ្លួនខ្លាំងប៉ុនណា មានគ្រោះថ្នាក់ខ្លាំងប៉ុណ្ណោះ

មនុស្សដែលសន្សំទុកសេចក្ដីលោភ សេចក្ដីក្រោធខឹង និងសេចក្ដីវង្វេងនេះ នឹងកើតមានបញ្ហាធំបំផុតសម្រាប់ខ្លួនជាក់ជាមិនខាន ។ បើសិនខ្លួនរក្សាទុកនូវសេចក្ដីលោភ សេចក្ដីក្រោធ និងសេចក្ដីវង្វេងទាំងបីនេះនៅជិតចិត្តខ្លួនខ្លាំងប៉ុនណា ស្មើនឹងមានខ្មាំងសត្រូវចាំបំផ្លិចបំផ្លាញខ្លួនជិតខ្លាំងប៉ុណ្ណោះដែរ ។

មនុស្ស៧ជំពួក

មនុស្ស៧ជំពួក

ប្រិយមិត្តអ្នកអានទាំងឡាយ ជាទីរាប់អាន ដូចជាយើងធ្លាប់បានដឹង បានអានរួចមកហើយ ឬក៏ធ្លាប់បានស្ដាប់ព្រះសង្ឃទេសនាតាមបុណ្យ តាមប៉ុស្ដិ៍វិទ្យុនានាថា មនុស្សមានបួនប្រភេទ គឺ មនុស្សមានរូបរាងកាយជាមនុស្ស តែចិត្តជាសត្វ ជាប្រេត ជាមនុស្ស និងជាទេវតា ។ ប៉ុន្តែថ្ងៃនេះ គោលគំនិតល្អដើម្បីជីវិត ចង់លើកយកមនុស្សដែលមានរាងកាយជាមនុស្ស មានចិត្តគំនិតផ្សេងៗគ្នា តើចិត្តនេះ លោកអ្នកប្រាជ្ញ ចែកចេញជាមនុស្សប៉ុន្មានជំពួក? 

មនុស្សមាន ៧ ចំពួក តើមនុស្ស ៧ ជំពួក មានអ្វីខ្លះ?

អំពើល្អនេះប្រៀបដូចជាអាវក្រោះការពារខ្លួន

អំពើល្អនេះប្រៀបដូចជាអាវក្រោះការពារខ្លួន

ពុទ្ធសុភាសិតមួយបទ ដែលមានខ្លឹមសារពោលទុកថា “បុគ្គលណារក្សាខ្លួនបាន ខាងក្រៅរបស់បុគ្គលនោះ ក៏ជាទីរក្សាផងដែរ” ។ មានន័យសេចក្ដីមួយផ្សេងទៀតនៃពុទ្ធភាសិតនេះថា “បុគ្គលណារក្សាខ្លួនបាន បុគ្គលដទៃក៏នឹងរក្សាបុគ្គលនោះផងដែរ” ។ ក្នុងន័យនេះ គួរធ្វើឱ្យកើតមានភាពកក់ក្ដៅ មានសុវត្ថិភាពយ៉ាងក្រៃលែង សម្រាប់បុគ្គលដែលដឹងខ្លួនថា ខ្លួនអាចរក្សាបានហើយ ដែលមានភាពកក់ក្ដៅក្នុងចិត្តថា មិនមានទុក្ខភ័យណាមួយ អាចកើតឡើងចំពោះខ្លួន ដោយមានអ្នកដទៃជួយការពាររក្សា ប៉ុន្តែការរក្សាខ្លួនបាននោះជាបញ្ហាសំខាន់ ជារឿងមួយដែលមនុស្សយើងមិនអាចធ្វើបានងាយស្រួលឡើយ ត្រូវមានសតិ ត្រូវមានការតាំងចិត្តផ្គងចិត្តពិត ទើបខ្លួនអាចធ្វើបានដូចនោះ  បើសិនមនុស្សម្នាក់ៗ ចង់បានសុវត្តិភាពដល់ជីវិតខ្លួន ត្រូវខិតខំរក្សាខ្លួនមួយនេះឱ្យបាន ។

មធ្យោយបាយ១០ប្រការក្នុងការជ្រើសរើសបំពេញបុណ្យ

មធ្យោយបាយ១០ប្រការក្នុងការជ្រើសរើសបំពេញបុណ្យ

មធ្យោយបាយក្នុងការជ្រើសរើសបំពេញបុណ្យ កាលបើនិយាយអំពីរឿងធ្វើបុណ្យធ្វើទាននោះ មានមនុស្សជាច្រើនគិតនឹកដល់ភ្លាមក្នុងការបរិច្ចាគរបស់ខ្លួន ត្រូវតែមានលុយកាក់នេះ ជាបច្ច័យចម្បង ហើយអាចមានជំនឿជឿជាក់កាន់តែខ្លាំងឡើងថា រឹតតែធ្វើច្រើនរឹតតែបានបុណ្យកុសលច្រើន  ប៉ុន្តែបើថ្ងៃណាមួយ ដែលខ្លួនខ្វះបច្ច័យនេះ ខ្លួនចង់បំពេញបុណ្យបន្តទៅទៀតមិនបាននុ៎ះ តើក្នុងព្រះពុទ្ធសាសនា មានមធ្យោបាយណា ដែលអាចធ្វើឲ្យខ្លួនធ្វើបុណ្យកុសលបានខ្លះ ក្រៅពីលុយកាក់នេះទេ?

លោកម្ចាស់ វជីរមេធី ធ្លាប់មានថេរដីកាអំពីរឿងការបំពេញបុណ្យកុសលនេះថា គិតឲ្យមែនទែនទៅ ការធ្វើបុណ្យកុសលនេះ ស្ទើរតែមិនចាំបាច់ប្រើលុយកាក់ឡើយ ។ ប្រិយមិត្តអ្នកអានអាចសាកល្បងអានមើលមធ្យោបាយទាំង១០ ក្នុងការបំពេញបុណ្យកុសលតាម “មគ្គវិធី” ក្នុងការបំពេញបុណ្យកុសល ឬកសាងបុណ្យទាំង១០ ប្រការ ដែលអាចឲ្យប្រិយមិត្តអ្នកអាន យកទៅប្រើប្រាស់បានគ្រប់កាលៈទេសៈទាំងអស់ ដូចគោលគំនិតល្អដើម្បីជីវិត លើកយមករៀបរាប់ដូចខាងក្រោម៖

ហេតុនៃភាពជោគជ័យដ៏អស្ចារ្យ

ហេតុនៃភាពជោគជ័យដ៏អស្ចារ្យ

ចិត្តដែលមានសេចក្ដីស្ងប់ មានភាពបរិសុទ្ធផង មានសីលជាទីរ៉ាប់រង ឬជាបាតគ្រឹះផង លោកអ្នកប្រាជ្ញទើបប្រៀបសីលនេះ ដូចជាផែនដី  ដែលអាចទ្រទ្រង់បានអ្វីសព្វសារពើក្នុងលោក និងរបស់ទាំងឡាយទាំងពួង បើមានការប្រាសចាកសីលជាផែនដីជាទីរ៉ាប់រងនេះទៅហើយ កុសលធម៌ទាំងឡាយក៏កើតឡើងមិនបាន តាំងនៅមិនបានដូចគ្នា។

ក្នុងកិច្ចនេះ ត្រូវមានសីលធ្វើជាផែនដីជាទីរ៉ាបរង កុសលធម៌ទាំងឡាយ ទើបតាំងឡើងបាន លើសពីសីល ភាពបរិសុទ្ធរបស់ចិត្តនេះទៅ ត្រូវមានសមាធិជារឿងសំខាន់ផងដែរ ព្រោះសមាធិធ្វើឲ្យចិត្តបរិសុទ្ធពីនីវរណធម៌ទាំង៥។ ភាពបរិសុទ្ធប្រាសចាកពីនីវរណធម៌ទាំង៥នេះ គឺជាបាតបញ្ញា ។

មេត្តាមិនគ្រប់ គាថាការពារទោសចិត្ត

មេត្តាមិនគ្រប់ គាថាការពារទោសចិត្ត

មានមនុស្សជាច្រើនណាស់ ដែលដឹងពីសភាវៈបុគ្គលខឹងក្រោធខ្លួន ដឹងពីទោសនៃសេចក្ដីក្រោធនោះ កាលបើខ្លួនមានប្រាថ្នាចង់នឹងគេចឲ្យផុតពីទោសនៃសេចក្ដីក្រោធ ក៏គប្បីទទួលការពិតថា មានតែមេត្តាប៉ុណ្ណោះ ដែលអាចរម្ងាប់សេចក្ដីក្រោធនេះបាន មានតែមេត្តាប៉ុណ្ណោះ ដែលអាចការពារមិនឲ្យសេចក្ដីក្រោធនេះមានកម្លាំងបាន ។

ការធ្វើសមាធិត្រូវប្រកបដោយឥទ្ធិបាទ៤

ការធ្វើសមាធិត្រូវប្រកបដោយឥទ្ធិបាទ៤

១) ឆន្ទៈ ពេញចិត្តស្រឡាញ់ក្នុងខ្យល់ដង្ហើមរបស់ខ្លួន តាមមើលថា ពេលដែលខ្លួនដកដង្ហើម តើខ្លួនបានដកដង្ហើមយកអ្វីចូលចេញខ្លះ? បើសិនដកដង្ហើមចូលទៅ វាមិនចេញវិញ ខ្លួនក៏ត្រូវស្លាប់ ដកដង្ហើមចេញ តែដកដង្ហើមចូលមិនចូល ខ្លួនក៏ត្រូវស្លាប់ដូចគ្នា ឲ្យតាមដានពិនិត្យមើលវាយ៉ាងនេះ មិនឲ្យយកចិត្តទៅចាប់រឿងដទៃ គិតរឿងដទៃឡើយ ។

ការសុំទោស និងការលើកលែងទោស

ការសុំទោស និងការលើកលែងទោស

ជាផ្នែកមួយនៃការចេះសុំទោសនោះ ជាចរិយាមារយាទដ៏ល្អប្រពៃសម្រាប់បុគ្គលធ្វើខ្លួនឯង និងជាការជួយរម្ងាប់ ឬការជួយដោះស្រាយទោសចិត្តរបស់បុគ្គល ដែលមានការទទួលរងការប៉ះទង្គិច មានការថ្នាំងថ្នាក់អាក់អន់ចិត្ត ឲ្យបានរៀបរយល្អប្រសើរឡើងវិញ ឬអាចនិយាយបានថា ការសុំទោស ឬការព្យាយាមការពារមិនឲ្យរឿងថ្នាំងថ្នាក់ការប៉ះទង្គិចឈានដល់ថ្នាក់ចងកម្មចងពៀរគ្នាតទៅទៀត ។ ព្រោះពេលបុគ្គលណាម្នាក់ធ្វើខុសឆ្គាំឆ្គង ហើយបុគ្គលម្ខាងទៀតកើតមានទោសចិត្ត ដោយសារការប្រកាន់នោះជ្រុលហួសហេតុពេក ដែលមានការប៉ះពាល់ដល់ខ្លួន បើមិនអាចដោះស្រាយកំហឹងទាំងនោះបានទេ ក៏ឈានទៅដល់ការចងកម្មចងពៀរគ្នា រមែងកើតមានឡើងចៀសមិនផុតគេចមិនរួចឡើយ។ បើភាគីដោះស្រាយរឿងទោសចិត្តនោះបាន ស្មើនឹងដោះស្រាយការចងកម្មចងពៀរគ្នានោះបាន ទុកដូចជាខ្លួនបានធ្វើបុណ្យអភ័យទានមួយជំនួសការចងកម្មពៀររបស់ខ្លួនអ៊ីចឹងដែរ។

សច្ចវាចា

សច្ចវាចា

សច្ចវាចានេះ ជាពាក្យមួយដែលមនុស្សភាគច្រើន ជាពិសេសមនុស្សក្នុងសម័យបច្ចុប្បន្ននេះ ពិបាកនឹងធ្វើបានណាស់ ។ ហើយអ្វីដែលជាពិសេសជាងនេះទៅទៀតនោះ អ្នកធ្វើការរកស៊ីតូចក្ដី ធំក្ដី ច្រើនស្ថិតនៅក្នុងចំណុចនេះទាំងអស់ គ្មានពាក្យសម្ដីណាមួយស្មោះត្រង់ជាមួយអតិថិជនរបស់ខ្លួនឡើយ ។ហេតុអ្វីហ៊ានថាដូចនោះ ព្រោះស្មេរបានជួបអ្នករកស៊ីជាច្រើន បាននិយាយប្រាប់ស្មេរថា បើមិនអួតអាងពីគុណភាពល្អរបស់ផលិតផលខ្លះទេ ធ្វើម៉េចអតិថិជនគេនឹងទិញជៀវផលិតផលយើងយកទៅប្រើ ដើម្បីឲ្យផលិតផលយើងលក់ដាច់បានច្រើន យើងត្រូវប្រូម៉ូសិន ថាមានគុណភាពល្អ ប្រើប្រាស់ធន់ជាប់បានយូរ។ល។… ត្រង់ចំណុចនេះ មែនទែនទៅបុគ្គលផ្ទាល់ខ្លួនឯង ក៏ចេះកុហកខ្លួនឯង សឹងតែគ្រប់ពេលវេលាទៅហើយ មិនចាំបាច់និយាយទៅថ្វី ដល់ថ្នាក់កុហកអ្នកដទៃនោះ ។

ចំណុចមួយទៀត សច្ចវាចានេះ ក៏ជាចំណុចពិសេស ដែលធ្លាប់បានឮអ្នកកាន់សីល៥មួយចំនួនក្នុងព្រះពុទ្ធសាសនា តែងតែដំណាលប្រាប់ពីការកាន់សីលរបស់ខ្លួន ប្រការដែលខ្លួនពិបាករក្សាជាងគេគឺ ការវៀរចាកពាក្យកុហក ។ ប្រការនេះហើយ ធ្វើឲ្យយើងអាចសន្និដ្ឋានបានថា ជាសីលដែលងាយដាច់ ងាយធ្លុះធ្លាយជាងគេ មុនគេគឺវៀរចាកពាក្យកុហកនេះឯង ។ ដើម្បីរក្សាពាក្យសច្ចវាចានេះឲ្យបានល្អ គោលគំនិតល្អដើម្បីជីវិត សូមលើកយកពាក្យមួយឃ្លាមកសរសេរទុកជាទស្សនាទាន ទុកជាចំណីខួរក្បាល បង្កើនសតិបញ្ញា ដូចមានសេចក្ដីខាងក្រោម៖

ពាក្យសម្ដីដែលនិយាយចេញទៅហើយ ក្រោយពីបានគិតត្រិះរិះពិចារណាវែងឆ្ងាយ និងល្អិតល្អន់ហើយ រមែងចាត់ទុកថាជា សច្ចវាចា ដែលបានសម្ដែងបញ្ជាក់ដល់ភាពតាំងចិត្តផ្គងចេតនាស្មោះត្រង់ចំពោះខ្លួន និងអ្នកដទៃ ។ អ្នកនិយាយ ទើបត្រូវចងភ្ជាប់ក្នុងការបង្គាប់បញ្ជាខ្លួនឯងឲ្យមាំមួន នៅក្រោមសច្ចវាចានេះ ។ អ្វីដែលខ្លួនត្រូវនិយាយថាធ្វើ ឬវៀរបង់… ត្រូវធ្វើឲ្យបានដោយល្អិតល្អន់ម៉ត់ចត់ និងគ្រប់ជ្រុងជ្រោយ ។

ជាទីបញ្ចប់នេះ ការរក្សាសច្ចវាចា មិនងាយបុគ្គលណាអាចរក្សាបានយូរក៏ដោយ ប៉ុន្តែយើងម្នាក់ៗ ត្រូវតែប្រកាន់ភ្ជាប់នូវពាក្យសច្ចវាចានេះឲ្យបាន ទើបជាការគួរ ដែលបានកើតមកជាមនុស្សនេះ។ អ្នកប្រាជ្ញទាំងឡាយ មានព្រះពុទ្ធបរមគ្រូជាម្ចាស់ ទ្រង់បានសំដែងទុករួចមកហើយថា បុគ្គលណា​ប្រកាន់ភ្ជាប់នូវសច្ចវាចានេះ ជាបុគ្គលមិនស្លាប់ ឬសច្ចវាចា ជាពាក្យមិនស្លាប់ ៕

និ.ចាន់/គោលគំនិតល្អដើម្បីជីវិត

នៅថ្ងៃទី២រោច ខែភទ្របទ ឆ្នាំរកា នព្វស័កព.២៥៦១

ការស្ដាប់លោកទេសន៍

ការស្ដាប់លោកទេសន៍

ក្នុងថ្ងៃទី២នៃវិធីកាន់បិណ្ឌ ដែលជាបវេណីជាតិខ្មែររបស់យើង ដែលមានញាតិញោមប្រុសស្រីដែលជាមន្ត្រីរាជការ លោកឧកញ្ញ៉ា លោកជំទាវ លោក លោកស្រី ឯកឧត្តម លោកយាយ លោកតា ក្មេងចាស់ ជាដើម ដែលកំពុងរស់នៅក្នុងប្រទេសកម្ពុជា ដែលជាអ្នករាប់អានកាន់ព្រះពុទ្ធសាសនា តែងនាំគ្នាដាក់វេន ប្រារព្ធវិធីកាន់បិណ្ឌភ្ជុំបិណ្ឌតាមវត្តអារាមទូទាំប្រទេស និងក្រៅប្រទេស ដែលជាអ្នកបង្អោនចិត្តទទួលយកការអប់រំរបស់ព្រះពុទ្ធសាសនា មកទុកក្នុងចិត្តក្នុងជីវិតរបស់ខ្លួន ។

ក្នុងវិធីកាន់បិណ្ឌរបស់ញាតិញោមពុទ្ធបរិស័ទនេះដែរ យើងតែងតែឃើញមានវារៈជាច្រើនត្រូវធ្វើ មានការជួបជុំគ្នាក្នុងវត្តអារាម តាមកាលពេលវេលាដែលបានកំណត់ទុក ធ្វើបទនមស្ការថ្វាយបង្គំគុណព្រះរតនត្រៃ សមាទានសីល អារធនាលោកសូត្រមន្ដ និងសំដែងព្រះធម៌ទេសនា។ល។ជាដើម។ ក្នុងទីនេះ គោលគំនិតល្អដើម្បីជីវិត មានចិត្តសោមនស្សរីករាយ ចូលរួមជ្រើសរើសយកអត្ថបទខ្លះមកសរសេរបកស្រាយពន្យល់ទុកបានជាគតិ។ ថ្ងៃនេះ សូមលើកយកប្រធានបទមួយ ដែលមានចំណងជើងថា “ការស្ដាប់ព្រះធម៌ទេសនា” តើការស្តាប់ព្រះធម៌ទេសនារបស់ញាតិញោមពុទ្ធបរិស័ទ បានប្រយោជន៍អ្វីខ្លះ សម្រាប់ជីវិតរបស់ខ្លួន? បើតាមថេរដីការបស់លោកឪ ចន្ទសារោ លោកមានថេរដីកាថា ដូចមានសេចក្ដីខាងក្រោមនេះ៖ 

តើបុណ្យមិនយក បាបក៏មិនយក មានន័យថាយ៉ាងម៉េច?

តើបុណ្យមិនយក បាបក៏មិនយក មានន័យថាយ៉ាងម៉េច?

តាមចម្លើយរបស់ព្រះតេជគុណ ព្រះមហាបវរវិទ្យ រតនជោតោ ដែលគោលគំនិតល្អដើម្បីជីវិត សូមស្រង់នូវសេចក្ដីនេះ សរសេរទុកក្នុងគេហទំព័ររបស់ខ្លួន ដើម្បីបានជាប្រយោជន៍ សម្រាប់ប្រិយមិត្តអ្នកអាន បានក្នុងការគិតពិចារណា ហើយបានជាប្រទីបបំភ្លឺគំនិត សតិបញ្ញា ដើម្បីឲ្យខ្លួនជ្រើសរើសយកទៅអនុវត្តឲ្យបានត្រឹមត្រូវ តាមអ្វីដែលព្រះពុទ្ធសាសនាបានអប់រំ សម្រាប់សេចក្ដីសុខចំរើនអស់កាលដ៏យូរអង្វែង ។ បុគ្គលដែលមានផ្នត់គំនិតយល់ឃើញថា បាបមិនយក បុណ្យក៏មិនយកនេះ លោកមានថេរដីកាឆ្លើបតបនូវសំនួរនេះយ៉ាងណានោះ សូមប្រិយមិត្តអ្នកអាន អាចចុចមើលខ្លឹមសារសេចក្ដីនេះ ដូចខាងក្រោម៖

បច្ចេកវិទ្យារបស់ចិត្ត អត្ថបទអប់រំក្នុងការគិត

បច្ចេកវិទ្យារបស់ចិត្ត អត្ថបទអប់រំក្នុងការគិត

ប្រិយមិត្តអ្នកអានប្រហែលជានឹកស្មានទុកមុនហើយថា តើគោលគំនិតល្អដើម្បីជីវិតនឹងសរសេរអំពីរឿងអ្វី? ជួនកាលប្រិយមិត្តអ្នកអានអាចគិតទុកថា តើបច្ចេកវិទ្យាទាក់ទង់ជាមួយចិត្តបានយ៉ាងដូចម្ដេច? តើចិត្តមានបច្ចេកវិទ្យាផងដែរឬ? តើការធ្វើការងាររបស់គ្រឿងបច្ចេកវិទ្យាដូចជាចិត្តដែរឬ? ក្នុងបញ្ហាកម្មនេះ អាចមានសំនួរសួរចោទជាបញ្ហាច្រើន ដែលកើតឡើង។ ដើម្បីឈ្វេងយល់នូវបញ្ហាកម្មនេះ ប្រិយមិត្តអ្នកអានអាចចុចអានមើលខ្លឹមសារទាំងនេះ ដូចមានសេចក្ដីខាងក្រោម៖

បរាជ័យ៩ដងជោគជ័យតែម្ដងក៏យក គន្លឹះជោគជ័យរបស់ក្រុមហ៊ុនយ៉ូកណិកខ្លូ

 បរាជ័យ៩ដងជោគជ័យម្ដងក៏យក គន្លឹះជោគជ័យរបស់ក្រុមហ៊ុនយ៉ូកណិកក្លូក 

សព្វថ្ងៃនេះ យើងអាចមើលឃើញមនុស្សជាច្រើនណាស់ ចូលចិត្តរកស៊ី ជាងទៅស្វះស្វែងរកការងារធ្វើឲ្យគេ ។ ទោះបីជាការរកស៊ី មានមុខរបរតូចក្ដី ធំក្ដី ជោគជ័យក្ដី បរាជ័យក្ដី ក៏ពួកគេធ្វើដែរ។

ក្នុងវិបត្តិក៏មានឱកាស ក្នុងសេចក្ដីស្លាប់ក៏មានដូចគ្នា

ក្នុងវិបត្តិក៏មានឱកាស ក្នុងសេចក្ដីស្លាប់ក៏មានដូចគ្នា

កាលបើនិយាយដល់សេចក្ដីស្លាប់ យើងនឹងនឹកដល់ការឈឺចាប់ ភាពចាស់ជរាគ្រាំគ្រា និងការព្រាត់ប្រាសចាកនិរាសពីវត្ថុជាទីស្រឡាញ់  ហើយមានអ្នកខ្លះទៀត នឹងនឹកទៅដល់រឿងអាថ៌កំបាំងខ្មៅងងឹត ឬសេចក្ដីទុក្ខវេទនា ដែលកំពុងរង់ចាំខាងមុខ ។ ក្រោយពីការដាច់ខ្យល់ដង្ហើមស្លាប់ទៅ ទើបជារឿងដែលគួរឲ្យខ្លាចក្នុងអារម្មណ៍របស់មនុស្សម្នាផងទាំងឡាយ សូម្បីតែការនិយាយរក ក៏មិនហ៊ាននិយាយរកផង ។ ក្នុងន័យនេះអាចនិយាយបានថា សេចក្ដីស្លាប់ជាវិបត្តិដ៏អាក្រក់បំផុត ដែលវាអាចកើតឡើងគ្រប់មនុស្សសត្វទាំងឡាយ ព្រោះអ្វីៗនៅទីបំផុតនៃការព្រាត់ប្រាស ក្រៅពីសេចក្ដីស្លាប់នេះមិនមានឡើយ ប៉ុន្តែក្នុងវិបត្តិនេះ ក៏នៅមានឱកាសជានិច្ចផងដែរ ។  

ស្នេហ៍ស្មោះមិនចាញ់ចម្ងាយផ្លូវ ៥វិធី រក្សាស្នេហ៍មនុស្សនៅឆ្ងាយ យ៉ាងណាក៏ត្រូវឆ្លងផុត

ស្នេហ៍ស្មោះមិនចាញ់ចម្ងាយផ្លូវ ៥វិធី រក្សាស្នេហ៍មនុស្សនៅឆ្ងាយ យ៉ាងណាក៏ត្រូវឆ្លងផុត

ការប្រាប់អំពីវិធី ដែលជាគន្លឹះរបស់គូស្នេហ៍ជាច្រើនគូរួចមកហើយ ។ ថ្ងៃនេះផងដែរ គោលគំនិតល្អដើម្បីជីវិត សូមយកចិត្តទុកដាក់ ផ្ដោតអារម្មណ៍ទៅលើអ្នកដែលកំពុងរាប់អានមនុស្សដែលនៅឯជើងមេឃបន្តិចណ៎ា ហើយជាការយល់ផ្ទាល់ខ្លួន យើងនឹងរាប់អានសេពគប់មនុស្សដែលរស់នៅឆ្ងាយពីខ្លួនភាគច្រើន យូរៗទើបបានមកជួបគ្នាម្ដង តែនៅរក្សាភាពល្អូកល្អើនជាមួយគ្នាបាន ភាគតិចណាស់ ដែលយើងអាចមើលឃើញពីគូស្នេហ៍ អាចយកឈ្នះចម្ងាយផ្លូវឆ្ងាយនេះបាន ពួកគេបានបញ្ចប់ពីសម្ព័ន្ធភាពមួយនេះទៅ ដោយការឈឺចាប់ និងមានវិប្បដិសារីបំផុតក្នុងជីវិត ។ ថ្ងៃនេះ គោលគំនិតល្អដើម្បីជីវិត សូមចូលរួមជាអ្នកផ្ដល់កម្លាំងចិត្ត ដល់ប្រិយមិត្តណា ដែលកំពុងជួបវិបត្តិដូចនេះ ដោយបានលើកយកគោលការណ៍មួយ មកចែករំលែក ។  គោលការណ៍ ៥វិធី យកឈ្នះចម្ងាយផ្លូវ ក្បួនខ្នាតសម្រាប់គូស្នេហ៍នៅឯជើងមេឃ មកអានកំសាន្ដលេង ទុកជាគតិក្នុងការត្រិះរិះពិចារណា ដូចខាងក្រោម៖

អង្គប្រកបនៃក្ដីស្រឡាញ់

អង្គប្រកបនៃក្ដីស្រឡាញ់

ត្រឹមតែពាក្យថា “ស្រឡាញ់” ប្រហែលជាមិនទាន់មានន័យគ្រប់គ្រាន់ដែលអាចទប់ស្កាត់អ្នកណាមួយ ឲ្យនៅរស់រួមជាមួយគ្នាបានអស់មួយជីវិតឡើយ ព្រោះថា បើមនុស្សម្នាក់ៗមិនមានអង្គប្រកបនៃក្ដីស្រឡាញ់នោះទេ ពិតណាស់ហើយថា អ្វីៗក៏ត្រូវមានលក្ខខណ្ឌ ច្រើនប្រការរបស់វាដែរ ។ 

កុំព្រមឲ្យអំណាចអាក្រក់ បង្គាប់ការក្នុងពេលធ្វើល្អ

អំពើល្អក្ដី អំពើអាក្រក់ក្ដី ជារឿងដែលយើងគ្រប់គ្នា អាចធ្វើវាបានគ្រប់ពេលវេលា ប៉ុន្តែយើងទាំងអស់គ្នា មិនអាចធ្វើវាព្រមគ្នាទាំងពីរបានទេ ត្រូវធ្វើវាបានម្ដងមួយៗ ទើបយើងមានពេលសម្រេចចិត្តជ្រើសរើសយកអំពើមួយណា នឹងធ្វើយ៉ាងម៉េចជាមួយវា តើយើងទាំងអស់គ្នាដែលបានកើតមកជាមនុស្ស ដែលអ្នកប្រាជ្ញលោកលើកតម្កើងឲ្យជាសត្វវិសេស មានឧត្តមគតិ មានបញ្ញា មានការចេះកែច្នៃប្រឌិតប្រសើរថ្លៃថ្លាជាងសត្វពួកផ្សេងៗ គួរធ្វើល្អ ឬធ្វើអាក្រក់សម្រាប់បច្ចុប្បន្នភាព ឬអនាគតភាពរបស់ខ្លួន?

កុំមានចិត្តអល់ឯករារែក ស្ទាក់ស្ទើរចិត្ត ក្នុងការសម្រេចចិត្តក្នុងការធ្វើអំពីមួយនេះ ព្រោះយើងទាំងអស់គ្នាដឹងស្រាប់ហើយថា ព្រះពុទ្ធបរមគ្រូជាម្ចាស់នៃយើង ព្រះអង្គទ្រង់សំដែងហើយថា បុគ្គលធ្វើល្អ បានក្ដីសុខ បុគ្គលធ្វើអាក្រក់បានក្ដីទុក្ខមកដាក់ខ្លួន ។ ម្យ៉ាងវិញទៀត កាលណាយើងពន្យាពេលក្នុងការសម្រេចចិត្តនេះ ក៏ជាមូលហេតុមួយធ្វើឲ្យយើងចាលចាញ់អំណាចអំពើអាក្រក់ ហើយយើងក៏បានទុកឱកាសឲ្យអំពើអាក្រក់មានអំណាចដណ្ដើមយកពេលវេលា ដែលយើងគួរបានធ្វើអំពើល្អទៅអស់ ហើយវាក៏មិនសមគួរដែរ ដែលយើងទាំងអស់គ្នា ដែលមានជីវិតកើតមកជាមនុស្សនេះ ទៅស្វែងរកអំពើអាក្រក់មកដាក់ឲ្យខ្លួន គ្រួសារ សង្គម និងប្រទេសជាតិខ្លួនមួយនេះ ៕

ចាន់/គោលគំនិតល្អដើម្បីជីវិត